«Bul ashylǵan jańa baǵyt burynǵy Shyńjań-Alataý saǵasy ótkeli arqyly Almatyǵa barýǵa qaraǵanda, kóp ýaqyt únemdeıdi», dep jazady «Jenmın jıbao» portaly.

«Úrimji temir joly taratqan málimetterine qaraǵanda, Qytaı men Qazaqstan temir jol mekemeleri ózara kelisimge kele otyryp,  30  qyrkúıekten bastap, Úrimji - Almaty K9795/K9796 kezekshi halyqaralyq saıahat poıyzynyń Alataý ـ Dostyq ótkeli arqyly shyǵý jolyn, Qorǵas ـ Altynkól ótkelimen aýystyrmaq.

Jańa baǵyt iske qosylǵanda, Úrimjiden Almatyǵa qatynaıtyn poıyzdyń joly 1048 shaqyrymdy qurady. Bul kórsetkish burynǵy baǵytty 301 shaqyrymǵa deıin qysqartýǵa múmkindik berdi. Onyń ústine atalmysh baǵyt jolaýshylardyń jolǵa ketetin ýaqytyn únemdeýge múmkindik beredi.

Úrimjiden Almatyǵa qatynaıtyn halyqaralyq saıahat poıyzy aptasyna 1 ret júredi. Iaǵnı, senbi kúni Úrimji ońtústik beketinen jolǵa shyǵyp, jeksenbi kúni Qorǵas - Altynkól ótkeli arqyly Almaty qalasyna jetedi.  Al, Almatydan dúısenbi kúni shyǵyp, seısenbi kúni Úrimjige jetpek.