Túrki keńesi — túrki tildes memleketterdi biriktiretin halyqaralyq uıym. Túrki keńesi 2009 jyldyń 3 qazanynda Nahchyvan qalasynda qurylǵyn. Nahchyvan kelisimine qol qoıylǵan 3 qazan túrki áleminde jyl saıyn túrki halyqtarynyń yntymaqtastyǵy kúni retinde atalyp keledi, dep habarlaıdy Qamshy.kz aqparat agenttigi. 

Esterińizge sala keteıik, Ázirbaıjannyń Nahchyvan qalasynda 2009 jylǵy 3 qazanda túrkitildes elder memleket basshylarynyń IX samıtinde Qazaqstan, Túrkıa, Ázerbaıjan jáne Qyrǵyz Respýblıkasynyń prezıdentteri tarıhı Nahchyvan qujatyna qol qoıdy. Sol kúnnen bastap túrki álemi ıntegrasıasy jańa bir beleske kóterildi. Atalǵan kelisim nátıjesinde tarıhta alǵash ret baýyrlas tórt el Túrkitildes elderdiń yntymaqtastyq keńesi atty halyqaralyq uıym qurdy. Osydan soń TúrkPA, Halyqaralyq Túrki akademıasy dúnıege keldi. Al TÚRKSOI jańa serpinmen jumys isteı bastady. 

Aıta ketsek, 1992 jyldan bastap Túrik tildes memleketterdiń Samıti ótkiziledi. 2009 jyly 3 qazanda Nahchyvan kelisimine qol qoıyldy. Uıym ortalyǵy Ystanbulda ornalasqan.

Aıta ketý kerek, QR Prezıdenti N.Nazarbaev túrkitildes halyqtarynyń İH samıtinde túrki áleminiń búgini, erteńi jáne bolashaǵyn zertteý jónindegi halyqaralyq ǵylymı ortalyqty qurý usynysyn jasady. Qazaqstan Prezıdenti sondaı-aq ekonomıkany, ekologıalyq qaýipsizdikti, mádenı-gýmanıtarlyq salalardy damytýda yntymaqtastyqtyń anaǵurlym perspektıvalyq baǵyttaryn aıqyndap berdi.

«Túrki keńesi ekonomıkalyq, mádenı-gýmanıtarlyq baılanystardy nyǵaıtýǵa eleýli úles qosyp keledi. Ózara yntymaqtastyq pen birliktiń artýy «Túrki álemi» atty ortaq brendti jer-jahanǵa tanytyp otyr», - degen bolatyn Qazaqstan Prezıdenti Nursultan Nazarbaev 2013 jyly ótken Túrkitildes memleketterdiń yntymaqtastyq keńesiniń úshinshi samıtinde.