Japonıanyń polısıa qyzmetkerleri Tokıodaǵy mektepterdiń birine jaqyn kópirge saban qýyrshaqty ilip, oǵan qaýipti jazý qaldyrǵan er azamatty ustady,-dep habarlaıdy Qamshy.kz aqparat agenttigi. Mundaı áreketke barǵan er azamattyń aıtýynsha mektep oqýshylary óte qatty shýlaıdy eken.

Japonıada «varanınge» dep atalatyn qýyrshaqty 26 qyrkúıekte «Edogava» mektebiniń mańyndaǵy jaıaý júrginshilerge arnalǵan kópirden tapqan. Al oǵan jabystyrylǵan hatta bylaı dep jazylǵan: «Osy jerden sekirip ólińder, ońbaǵandar!».

Ony jazǵan er adam 41 jastaǵy Takeshı Inaba bolǵan. Ol oqýshylardyń shýyna shydaı almaı osy áreketke barǵanyn moıyndaǵan. Osyǵan deıin ol mektep basshylary men ata-analarǵa shýdy toqtatý týraly 30-ǵa jýyq hat jazǵan. Oǵan qosa, ol júrgen jerindegi qoǵamdyq oryndyqtarǵa «balalardan óte qatty shý estiledi» degen jazý qaldyryp júrgen. Takeshıdiń bul qylyǵy úshin polısıa qyzmeti «zańsyz jolmen qysym kórsetti» degen jala jabýy múmkin nemese ony psıhıkalyq tekserýden ótkizýi yqtımal.