Qazaqstanda jańa jyldan bastap áskerı qyzmetshilerdi  turǵyn úımen qamtamasyz etý júıesi ózgertiledi,-dep habarlaıdy Qamshy.kz aqparat agenttigi. Búgin Parlament Májilisiniń qorǵanys jáne qaýipsizdik Komıtetiniń syrtqy ister otyrysynda depýtattar turǵyn úı qatynastary týraly zańnamaǵa túzetýler jobasyn qarastyrdy. Solardyń biri turǵyn úıdi jaldaý úshin jaldamaly turǵyn úıge ótemaqy tóleýdi kózdeıdi.

Buryndary áskerı qyzmetkerler aqshany óz qoldaryna alǵan bolsa, jańa jobanyń aıasynda qarajat ekinshi deńgeıli bankterde jınalady.Qorǵanys mınıstrliginiń málimetine sáıkes, úsh jyl ishinde tólengen ótemaqy somasy 50 mıllıard teńgeden asqan. Bul aqshanyń barlyǵy qaıtarylmaıtyn bolyp joǵalyp ketken. Jańa zań qabyldanǵannan keıin turǵyn úı 60 myń áskerı qyzmetkerge beriletin bolady.

Olar memleket esebinen óz úıin satyp alady. Máýlen Áshimbaev, Qazaqstan Respýblıkasy Parlamenti Májilisiniń depýtaty: «Bul sheshim boıynsha Turǵyn úı qurylys jınaq banki áskerılerge arnaıy ónim jasaıdy jáne ol eń tómengi bastapqy depozıt pen tómen paıyzda beriledi». Tıisinshe, áskerı qyzmetker osy turǵyn úı tólemin alyp, TQJ-men kelisim jasasady jáne úıdiń nesıesin óteıdi.