Pavlodar oblysynyń 120 myń turǵyny álemniń jetekshi elderiniń «Bolashaq energıasy» taqyrybyndaǵy jańa tehnologıalarymen tanysýǵa múmkindik aldy dep habarlaıdy Qamshy.kz aqparat agenttigi.
Óńirde ınvestısıalyq potensıaldy damytý boıynsha belsendi jumys júrgizilip jatyr. Bıylǵy jyly EKSPO-2017 halyqaralyq kórmesiniń arqasynda ınvestısıalar tartýǵa jáne jańa tehnologıalardy engizýge múmkindik týdy. EKSPO kórmesiniń jumysy kezinde Astanada Pavlodar oblysynyń «INVEST IN PAVLODAR» kórme zaly jumys istedi. Ortalyqta álemniń 22 eliniń 112 kompanıasymen iskerı kezdesýler ótkizildi. Kezdesýlerdiń qorytyndysy boıynsha aýyl sharýashylyǵy jáne jemister men kókónisterdi qaıta óńdeý boıynsha 3 joba, «jasyl» energetıka boıynsha 2 joba, hımıa, mashına jasaý, týrızm jáne bilim berý salalarynyń árqaısysy boıynsha bir jobadan júzege asyrylyp jatyr.
Polsha Respýblıkasynyń Jalpypolshalyq sharýashylyq Palatasymen Agroqalashyq jobasyn júzege asyrý boıynsha memorandýmǵa qol qoıyldy. Agroqalashyqta shyǵarylatyn ónim tek qana qazaqstandyq naryqqa ǵana emes, sonymen qatar, kórshiles Reseı Federasıasyna da satylymǵa shyǵarylady. Birinshi kezeńde jalpy aýmaǵy 16 ga bolatyn eki jylyjaı men qant qyzylshasyn qaıta óńdeıtin zaýyt salý josparlanyp otyr. Bolashaqta kartoptan krahmal alýǵa jáne jemister men kókónisterdi konservileýge arnalǵan zaýyttar salý kózdelýde. Polshanyń bıomassa (aǵash óńdeý, ósimdik sirý, qýraǵan japyraqtar jáne t.b.) negizinde jumys isteıtin qazandyqtardy shyǵarýmen aınalysatyn Natural Systems (Nachúral Sıstems) kompanıasynan aýyl sharýashylyq qojalyqtary men komýnaldyq qyzmet oryndaryna qazandyqtar satyp alynatyn bolady.
Izraıldik M.A.D. Corporation kompanıasymen qus fabrıkasy jáne sút-taýarly fermasynyń qurylysy boıynsha 2 joba qolǵa alyndy. EKSPO kórmesi kezinde óńirde engizýge turarlyq 20 joba tańdap alyndy. Olardyń biri – Polsha eliniń kómirdiń jylýy mol jáne kómirqyshqyl gazy az túziletin «Kógildir kómir» tehhnologıasy. Dalalyq jaılaýlarda ornatý úshin árqaısysynyń qýattylyǵy 1 MVt bolatyn nemis jel energıasynyń qurylǵylaryn satyp alý kózdelip otyr. Aqyldy qalanyń elementi retinde oblys ortalyǵynda ótpe joldy jaryqtandyrý úshin kınetıkalyq energıany paıdalanatyn pezo-elementteri bar jolaýshylar ótpe joldaryn qurý josparlanyp otyr.
EKSPO kórmesinde Pavlodar oblysy óziniń jetistikterin kórsetti. Oblys Túrkıanyń ENPRODE kompanıasynyń qyzyǵýshylyǵyn týdyrǵan jel energıasy salasyndaǵy jobasyn kórsetti. Shiderti kentinde ınvestısıalar kólemi 50 mln. AQSH dollaryn quraıtyn jel energıasy qondyrǵylaryn ornatý jobasy týraly aldyn ala kelisimshart jasaldy. Ekibastuz ınjenerlik-tehnıkalyq jáne Almaty ınstıtýttary profesorynyń patenti boıynsha tájirıbelik úlgini jasaý josparlanyp otyr.
