Búgin Máýlen Áshimbaevtyń jetekshiligimen Májilistiń Halyqaralyq ister, qorǵanys jáne qaýipsizdik komıtetiniń otyrysy ótti, dep jazady Qamshy.kz aqparat agenttigi.

Otyrysta «Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» Zańnyń jobasy talqylandy. Osyǵan qatysty Qorǵanys mınıstriniń orynbasary Talǵat Muhtarov pen Májilis depýtaty, atalǵan Zań jobasy boıynsha jumys tobynyń jetekshisi Abaı Tasbolatovtyń baıandamasy tyńdaldy.

Qarýly Kúshterdiń, áskerı prokýratýranyń, ulttyq qaýipsizdik jáne ishki ister organdarynyń áskerı qyzmetshilerin turǵyn úımen qamtamasyz etý tetikterin jetildirýge baǵyttalǵan Zań jobasyna usynystardy Qorǵanys mınıstrligi Parlament depýtattarymen, múddeli memlekettik organdardyń ókilderimen birlesip ázirledi.

Májilis depýtaty M. Áshimbaev áskerı qyzmetshilerdiń áleýmettik jaǵdaıyn qoldaýǵa baǵyttalǵan usynystar qabyldanǵan jaǵdaıda áskerılerge eń tómengi jeńildikpen nesıe alýǵa múmkindik jasalatynyn atap ótti.

 – Turǵyn úı qurylys jınaq banki áskerı qyzmetshiler úshin arnaıy usynystar daıyndalýda. Áskerı qyzmetshiler 12 jyl ishinde qaryzdy ótep páterdi tolyqtaı ıelenetin bolady. Sondyqtan da bul áleýmettik jáne ekonomıkalyq jaǵynan utymdy bolmaq,  – dedi M. Áshimbaev.

Sondaı-aq turǵyn úı járdemaqylarynyń mólsherin, maqsatyn, qaıta sanalýyn, qoldanylýyn, toqtatylýyn jáne uzartýyn anyqtaý Erejesine sáıkes, turǵyn úı tólemderi áskerı qyzmet merzimine qaramastan turǵyn úıge muqtaj áskerı qyzmetshilerge beriledi.

Sonymen qatar, áskerı qyzmetshiler áskerı qyzmetten bosatylǵan kezde turǵyn úımen qamtamasyz etilmese, 2018 jyldyń 1 qańtaryna deıingi kezeńge deıin turǵyn úı tólemderin tóleıdi. Sonymen jabyq jáne oqshaýlanǵan áskerı qalashyqtarda, shekara zastavalarynda jáne basqa da jabyq nysandarda turyp jatqan áskerı qyzmetshilerge turǵyn úı járdemaqylarynyń 50% mólsherinde turǵyn úı tólemderin júzege asyrý josparlanyp otyr.

Budan ózge bul salada 20 jyl áskerı qyzmetten keıingi qyzmettik baspanany óteýsiz jekeshelendirý quqyǵy bar. Osy rette M. Áshimbaev áskerı qyzmetshiler úshin páterge tólenetin tólemaqy olar jumystan shyǵyp ketse, onda sol jumystan shyǵyp ketken ýaqytyna deıin tólenetin aıtty.

Sondaı-aq depýtat eger qyzmet babynda ártúrli jaǵdaılar bolyp, densaýlyǵyna zıan kelip jatsa ondaı áskerı qyzmetshilerge jańa turǵyn úı satyp alýǵa jetkilikti qarjy bólinetinin tilge tıek etti.

 Zań jobasyna qatysty usynystar Palatanyń aldaǵy otyrystarynda qaralatyn bolady.