Búgin Astanadaǵy «Qazmedıa» ortalyǵynda «Astana Media Week» qazaqstandyq medıa aptalyǵy bastaldy. 4-6 qazan aralyǵynda ótetin shara Memleket basshysy N. Á. Nazarbaevtyń bastamasy — Qazaqstannyń rýhanı jańǵyrýynyń negizgi basymdyqtaryn oryndaý maqsatynda elimizde tuńǵysh ret uıymdastyrylyp otyr, — dep habarlaıdy Qamshy.kz aqparat agenttigi.

«Astana Media Week» qazaqstandyq medıa aptasy — bul keń kólemdegi salalyq is-sharalar serıasy. Jyl saıyn Qazaqstan Respýblıkasy Aqparat jáne komýnıkasıalar mınıstrliginiń tapsyrysymen ótkiziletin Ortalyq Azıadaǵy eń iri medıa-oqıǵa. Astana Media Week 2017 negizgi maqsaty — otandyq medıa sferany damytý jáne óńirlik deńgeıde ındýstrıadaǵy iskerlik qatynastardy ilgeriletý», — dep jazǵan bolatyn Aqparat jáne komýnıkasıalar mınıstri Dáýren Abaev atalǵan shara týraly.

«Astana Media Week» baǵdarlamasyna sáıkes, birinshi kúni medıa-kontentke tapsyrys berýshilerdiń, iri televızıalyq jáne radıo-kompanıalar, sonymen qatar óndiristiń jeke naryǵy ókilderi: prodakshn-stýdıalardyń, tvorchestvolyq ujymdardyń, prodúserlik ortalyqtardyń, aqparat, medıa-saýyq, mýzyka jáne kıno salalaryndaǵy avtorlyq jobalardyń arasynda pármendi dıalogtyq alań qurýǵa arnalatyn bolady.

Qazaqstan medıasynyń birinshi basshylarymen tet-a-tet kezdesý múmkindikterinen jáne olarmen medıa-óndiristiń perspektıvalaryn talqylaýdan basqa, osy kún sheńberinde qurylǵan dıalogtyq jáne kelissózder alańy bıznes-baılanystar, túrli formattaǵy tıimdi qatynas, birqatar master-klastar aıasynda jańa daǵdylar tabý jáne paneldi pikirtalastarǵa medıa naryqtyń zamanaýı damýynyń eń ózekti máseleleri boıynsha qatysý úshin múmkindikterdi keńeıtedi. Medıaaptanyń ekinshi kúni «Astana Digital Forum» degen jalpy ataýmen ótetin bolady.

Onyń uıymdastyrýshysy Qazaqstannyń jetekshi medıa-kompanıalarynyń biri «Select Communication Group» bolyp tabylady. Forým keń spektrli máseleler boıynsha - sandyq marketıń quraldarynan bastap krıptovalúta naryǵyn sholýǵa deıin pikir almasý múmkindigimen — halyqaralyq deńgeıdegi spıkerlerdiń sóz sóıleýine arnalmaq. «Astana Media Week» úshinshi kúninde QR Aqparat jáne komýnıkasıalar mınıstrligi ulttyq BAQ baspa naryǵynyń damýynyń eń ótkir máselelerin, jańa konvergentti formalarǵa ótý kezindegi qıyndyqtar men múmkindikterdi talqylaý maqsatynda Qazaqstan buqaralyq aqparat quraldarynyń óńirlik forýmyn ótkizedi.