Batys Qazaqstan oblysy Tasqala aýdanynyń prokýratýrasy tyıym salynǵan materıaldardy anyqtaý úshin arnaıy Internet-resýrstardyń monıtorıńin júrgizgen. Tergeý nátıjesinde, portaldardyń birinen adam aǵzalaryn satýǵa arnalǵan jarnama tabyldy. Bul týraly BQO baspasóz qyzmeti habarlady, dep jazady Qamshy.kz aqparat agenttigi.

Baspasóz qyzmetiniń málimetinshe, atalmysh jarnama Qazaqstan aýmaǵynda erkin qoljetimdilikke ıe sheteldik resýrstarda jarıalanǵan.

«Halyq densaýlyǵy jáne densaýlyq saqtaý júıesi týraly» QR Kodeksiniń 169-babynyń 3-tarmaǵyna sáıkes elimizde adam múshelerin satýmen aınalysýǵa tyıym salynǵan.

QR Qylmystyq kodeksiniń 116-babyna sáıkes tiri adamnyń aǵzalary men tinderine qatysty zańsyz mámileler jasaý qylmystyq is bolyp tabylady.

QR «BAQ týraly» zańynyń 1-babynyń 4 jáne 5-tarmaqshalaryna sáıkes Internet-resýrs buqaralyq aqparat quraldaryna jatady jáne onda jarıalanǵan árbir aqparat BAQ ónimi bolyp esepteledi»,- delingen prokýratýrada.

Tasqala aýdandyq sotynyń sheshimi boıynsha ınternet resýrs QR zańnamalyq aktilerine qaıshy kelgendikten Qazaqstan aýmaǵynda zańsyz dep tanyldy. Sondaı-aq, saıtty toqtatý týraly sheshim qabyldandy. Sot sheshimi áli kúshine engen joq.