Adam:

         – Adam balasyna til qatýǵa zaýqym joq.

«İshki men»:

         – Jalǵyzsyń.

         – Qashannan beri?

         – Álimsaqtan solaı bolatyn.

         – Saǵan seneıin be?

         – Basqa amalyń bar ma?

         – Joq...sen kimsiń?

         – «ishki menińmin».

         – Sonda ózimsiń be?

         – Jalǵyzdyǵyńmyn desem de bolady.

         – Sezinbeppin...

         – Neni?

         – Seni.

         – Erkiń jibermedi.

         – «jalǵyz» degen sózdi ózime teligim kelmedi...

         – Seniń qalaýyńdy kim surady?

         – Eshkim...

         – Adam bop jaraldyń, demek jalǵyzsyń!

         – Bala-shaǵam she?

         – Jalǵyzdyq eki adamǵa ortaq emes.

         – Múmkin emes...

         – Múmkin emes, biraq aqıqat.

         – Daýsyńdy nege qazir ǵana estip turmyn?

         – Senimen tildeskim kelmedi.

         – Nege?

         – Jalǵan ómirińde meni izdeýge ýaqytyń bolmady.

         – Qý tirshilik...

         – Bos syltaý.

         – Iá...

         – Moıyndaǵanyń lázim.

         – Senimen men ǵana keshigip kezdesip otyrmyn ba?

         – Seniń qataryń kóp. Biraq...

         – Biraq, ne?

         – Men týraly kóp oılaıtyndar da bar.

         – Qyzyq...kimder boldy eken?

         – Jazýshylar.

         – Qıalılar ǵana deseıshi...

         – Senińshe solaı, menińshe sendermen salystyrǵanda saý adamdar.

         – Aaa...

         – Qash!

         – Qaıda?

         – Jalǵyzdyǵyńa.

Marjan ÁBİSH