Jambyl oblysynda eki aýyl turǵyndary atysyp. Bir adam qaza tapty, jeti adam jaralandy dep habarlady oblystyq ishki ister departamentine (İİD) silteme jasaǵan jergilikti agenttikter dep jazady Qamshy.kz aqparat agenttigi Azattyqqa silteme jasap.
İİD aqparatyna qaraǵanda, oqıǵa 6 qarasha kúni túnde Jambyl aýdanynyń Qumtıyn jáne Asa aýyldarynyń turǵyndary arasynda bolǵan. Sol kúni keshke Asadan Qumtıynǵa bara jatqan kóliktegi eki jolaýshy janjaldasyp qalyp, onyń sońy túnge qaraı eki aýyldyń bir top turǵyny arasynda atysqa ulasqan.
Atysta tegis uńǵyly bytyra myltyǵynan oq atylǵan. Atys saldarynan Qamakemer aýylynyń 30 jastaǵy turǵyny, er adam oqqa ushyp, jaralanǵan jeti adam aýdandyq aýrýhanaǵa qaralǵan.
Bul oqıǵa boıynsha Qylmystyq kodekstiń "kisi ólimi" babymen is qozǵalyp, sot-medısınalyq saraptama taǵaıyndalǵan.
