Sırıalyq lagerlerden 44 áıel men balalar shyǵaryldy, olardyń 11-i Qazaqstan men Ózbekstan azamattary, dep jazady Qamshy.kz aqparat agenttigi Sheshenstan Respýblıkasynyń basshysy Ramzan Kadyrovqa silteme jasaǵan «Izvestıa» basylymyna súıenip.
«Barlyǵyńyzdy qýantqym keledi, Taıaý Shyǵys pen Soltústik Afrıka elderindegi meniń ókilim Sırıa lagerlerinde júrgen 44 áıel men balalardy alyp shyqty. Olardyń ishinde 9 bala men 2 áıel Ózbekstan jáne Qazaqstan azamattary. Qalǵandary – Bashqortstannyń, Dagestannyń jáne basqa da óńirlerden barǵan reseılikter men Sheshenstannyń 10 áıeli men balalary», - dep jazady beısenbide óziniń Instagram paraqshasynda R. Kadyrov.
«Ózbekstan men Qazaqstannan barǵan áıelder men balalar týraly bilip, men Zıad Mýhammedovıchke (Taıaý Shyǵys pen Soltústik Afrıkadaǵy Sheshenstan Respýblıkasy basshysynyń ókili Zıad Sabsabı – QazTAG) olardy alyp shyǵýǵa barynsha kúsh salýyn ótindim. Eger qazir solaı jasamasaq, olar bas bostandyǵynan aıyrý oryndarynda jyldap otyrýlaryna týra keledi, tipti myna tozaqtan aman qalsa da. Ne desek te, balalar ózderine jaqyn, týmalarynyń qasynda bolady. Jaqyn arada, múmkin keler aptanyń basynda 44 adamnan turatyn top Groznyıǵa jetkiziledi. Qazir barlyq uıymdastyrýshylyq máseleler aıaqtalýda», - dep atap ótti Sheshenstan basshysy.
Buǵan deıin habarlanǵandaı, R.Kadyrovtyń aıtýynsha, 2 qyrkúıekte Groznyıǵa Z.Sabsabımen birge TMD azamattarynyń kezekti toby bar bort Iraktan keldi. Ushaq 12 adamdy ákeldi, 4 áıel jáne 6 aı - 9 jas aralyǵyndaǵy 8 bala. Onyń aqparynsha, kelýshiler arasynda úsh balasy bar Qazaqstan azamaty da bolǵan.
