D. Aqyshev «Bank RBK» Banki» AQ-ty qalypqa keltirý sharalary týraly aıtyp berdi, dep habarlaıdy Qamshy.kz aqparat agenttigi Ulttyq banktiń baspasóz qyzmetine silteme jasap.
Ulttyq Bank QR Úkimetimen jáne «Qazaqmys korporasıasy» JSHS arqyly áleýetti ınvestormen birlesip «Bank RBK» Banki» AQ-ty qalypqa keltirý sharalarynyń keshenin ázirledi. Bul týraly Úkimet otyrysynyń qorytyndysy boıynsha jýrnalıser suraqtaryna jaýap berý kezinde QR Ulttyq Bankiniń Tóraǵasy Danıar Aqyshev aıtyp berdi.
Qazirgi ýaqytta «Bank RBK» Banki» AQ (budan ári – Bank) ótimdiliktiń jetkilikti deńgeıin qamtamasyz etýmen baılanysty qıyndyqtardy bastan keshirip otyrǵany belgili. Soǵan baılanysty Banktiń klıenttik tólemderdi ýaqtyly júzege asyrýy shekteýli. Buryn habarlanǵandaı, Ulttyq Bank QR Úkimetimen jáne áleýetti ınvestorlarmen birlesip kelissózder júrgizdi, sonyń nátıjesinde Bankti qalypqa keltirý jóninde sharalar kesheni ázirlendi. Danıar Aqyshev qalypqa keltirý modeli Bankti ınvestorlardyń 160 mlrd. teńge somasyndaǵy qarajaty esebinen kapıtaldandyrýdy jáne Banktiń ornyqty damýyn qamtamasyz etý maqsatynda ınvestorlardyń onyń bıznes-modelin odan ári jetildirýin boljaıtynyn aıtyp berdi. Sonymen qatar sharalar kesheni aksıonerler men basqa baılanysty tulǵalarǵa berilgen shamamen 600 mlrd. teńge somasyndaǵy problemalyq portfeldi jeke arnaıy qarjy kompanıasyna berýdi kózdeıdi.
Ulttyq Bank basshysy arnaıy qarjy kompanıasyna berilgen mindettemelerge berilgen portfelden túsetin túsimder esebinen qyzmet kórsetiletinin naqtylady. «Jaqyn ýaqytta Ulttyq Bank Basqarmasy Qazaqstan Respýblıkasy bank sektorynyń qarjylyq ornyqtylyǵyn arttyrý jónindegi baǵdarlamaǵa qatysý sheńberinde Banktiń shamamen 240 mlrd. teńge somasyndaǵy ótinimin qaraıdy», - dedi D. Aqyshev.
Ol joǵaryda kórsetilgen qalypqa keltirý sharalary Ulttyq Bank qazirgi ýaqytta iske asyryp jatqan, Ulttyq Bank Basqarmasynyń 2017 jylǵy 30 maýsymdaǵy № 129 qaýlysymen bekitilgen Qazaqstan Respýblıkasy bank sektorynyń qarjylyq ornyqtylyǵyn arttyrý jónindegi baǵdarlamanyń bir bóligi bolyp tabylatynyn atap ótti. Joǵaryda kórsetilgen is-sharalardy iske asyrý nátıjesinde Banktegi ahýal turaqtanady dep kútiledi. «Ótimdiliktiń túsýine qaraı jaqyn arada Bank áleýmettik turǵydan mańyzdy tólemder boıynsha, sondaı-aq usaq jáne orta salymshylardyń depozıtteri boıynsha mindettemelerdi oryndaı bastaıdy», - dep atap ótti Ulttyq Bank basshysy.
Qazirgi kezde Bankte jeke tulǵalar jalpy alǵanda 28 139 shot ashyp, 188 mlrd. teńgege salym salǵan. Soǵan baılanysty memleket Ulttyq Bank, Úkimet jáne kvazımemlekettik sektor qarajatynyń esebinen Bankke qoldaý kórsetý týraly sheshim qabyldady. Ulttyq Bank Banktiń aǵymdaǵy zıanǵa ákep soqqan kredıt saıasatyn iske asyrýy bóliginde Banktiń ýákiletti organdarynyń qyzmetine taldaý júrgizedi, sodan soń tıisti materıaldar odan ári sharalar qabyldaý úshin quqyq qorǵaý organdaryna jiberiletin bolady.
Danıar Aqyshev «Delta Bank-ti» banktik jáne ózge operasıalar men baǵaly qaǵazdar naryǵyndaǵy qyzmetti júzege asyrýǵa lısenzıasynan aıyrýǵa baılanysty ahýaldy túsindirdi.
«Ózderińiz biletindeı, «Delta Bank-ti» lısenzıasynan aıyrý týraly sheshim qabyldandy. Buǵan mynadaı faktorlar negiz boldy. Birinshi kezekte, kredıttik táýekelderdi basqarý jónindegi ishki rásimderdiń kemshilikteri, olar qarjylyq jaı-kúıi ornyqsyz qaryz alýshylardy kredıtteýge, sondaı-aq sapaly kepilmen qamtamasyz etilmegen qaryzdar berýge múmkindik berdi, kredıtter boıynsha merzimi ótken bereshektiń aıtarlyqtaı ósýine alyp keldi. Máselen, 2017 jylǵy 1 qazanda merzimi ótken bereshegi bar qaryzdar Banktiń nesıe portfeliniń 99,7%-yn (314,8 mlrd. teńgeni) qurady.
Ekinshiden, lısenzıasynan aıyrý týraly sheshim qabyldaý sátinde Banktiń korespondenttik shottaryndaǵy jáne kasasyndaǵy aqsha qaldyǵy 215,1 mln. teńgeni qurady. Sonymen qatar, depozıtorlar men kredıtorlar aldyndaǵy merzimi ótken mindettemeler somasy shamamen 79,8 mlrd. teńgeni qurady, - dedi D. Aqyshev. Ol bank kapıtalynyń qabyldanǵan táýekelderge barabar emes jáne ótimdiliktiń tómen kórsetkishi jaǵdaılarynda bankti qarjylaı qoldaýdy qamtamasyz etýdiń asa qajettiligin atap ótip, bank qyzmetin qadaǵalaý sheńberinde uzaq kezeń boıy «Delta Bank» AQ-tyń menedjmenti men onyń aksıonerleri arasynda Ulttyq Banktiń ashyq dıalog júrgizgenin atap ótti. Soǵan qaramastan, Banktiń iri aksıoneri tarapynan bankti barabar qarjylyq qoldaý júzege asyrylǵan joq.
Sondaı-aq D. Aqyshevtyń aıtýy boıynsha, Banktiń aktıvteri men mindettemeleriniń bank sektorynyń jıyntyq aktıvteri men mindettemelerindegi úlesiniń tómen (1%) bolýyna baılanysty Bankti lısenzıadan aıyrý basqa qarjy uıymdaryn táýekelderge ushyratpaıdy.
«2017 jylǵy 2 qarashadan bastap ýaqytsha ákimshilik taǵaıyndaldy, oǵan Banktiń barlyq basqarý organdarynyń ókilettikteri ótti. Ýaqytsha ákimshilik sot taratý komısıasyn taǵaıyndaǵanǵa deıin jumys isteıtin bolady.
Qorytyndylaı kele ol, Bank jeke tulǵalardyń depozıtterine mindetti kepildik berý júıesiniń qatysýshysy bolyp tabylatynyn atap ótti. Teńgemen jáne shetel valútasymen depozıtter, tólem kartochkalaryndaǵy jáne bank shottaryndaǵy aqsha Qazaqstannyń depozıtterge kepildik berý qorynyń kepildigimen qorǵalǵan.
Sonymen qatar, Ulttyq Bank Tóraǵasy Danıar Aqyshev WhatsApp paıdalanýshylary arasynda taratylǵan «Kazkommersbank» AQ-taǵy qarjylyq ahýaldyń nasharlaǵandyǵy týraly málimetterdiń shyndyqqa janaspaıtyndyǵyn rastady
«Bank ádettegideı rejımde jumys isteıdi. Kartochkalyq, jeke jáne depozıttik shottarda aqsha alý boıynsha eshqandaı shekteýler joq», - dedi D. Aqyshev QR Úkimetiniń otyrysy aıaqtalǵannan keıin jýrnalıserdiń suraqtaryna jaýap bere otyryp.
Ol aǵymdaǵy jylǵy shildede «Kazkommersbank» AQ-tyń «Qazaqstan Halyq banki» AQ-tyń enshiles banki bolǵandyǵyn, onyń nátıjesinde Halyk qarjy tobynyń TMD iri jeke qarjy qurylymdarynyń úshtigine kirgendigin atap ótti.
«Halyq tobynyń quramynda jáne onyń qarjylaı qoldaýymen Kazkommersbank QR Ulttyq Bankiniń kapıtal jáne ótimdilik jetkiliktiligi jónindegi negizgi normatıvterin saqtaı otyryp, derbes qarjy ınstıtýty retinde jumys isteıdi», - dedi D. Aqyshev.
Qorytyndysynda ol jalǵan aqparat taratý faktileri boıynsha Ulttyq Banktiń quqyq qorǵaý organdaryna ótinish beretindigin atap ótti. BJZQ zeınetaqy aktıvteriniń mólsheri 2017 jylǵy 1 qazandaǵy jaǵdaı boıynsha 7 544,7 mlrd. teńge boldy 2017 jylǵy 1 qazandaǵy jaǵdaı boıynsha Ulttyq Banktiń senimgerlik basqarýyndaǵy BJZQ zeınetaqy aktıvteriniń mólsheri 7 544,7 mlrd. teńge boldy.
«2017 jylǵy 9 aıda salymshylardyń shottaryna bólingen BJZQ zeınetaqy aktıvteri boıynsha «taza» ınvestısıalyq kiristiń mólsheri 462,2 mlrd. teńge boldy. BJZQ zeınetaqy aktıvteriniń kiristiligi 2017 jylǵy 9 aıda 6,68%, ınflásıa osy kezeń úshin 4,2% mólsherinde boldy. Osylaısha, aǵymdaǵy jyldyń basynan beri oń naqty kiristilik 2,48% mólsherinde qamtamasyz etildi», - dedi D. Aqyshev.
Ol salymshylardyń shottaryna bólingen BJZQ zeınetaqy aktıvteriniń kiristiligi, ınflásıanyń deńgeıimen salystyrǵanda 2016 jylǵy qyrkúıek – 2017 jylǵy qyrkúıek aralyǵyndaǵy kezeń úshin – jyldyq 7,33%, jyldyq 7,10% ınflásıa bolǵandyǵyn ınflásıa kezinde oń naqty kiristiliktiń 0,23% mólsherinde qalyptasqandyǵyn atap ótti. Valúta naryǵyndaǵy jaǵdaı turaqty, dep málimdedi D. Aqyshev.
