Germanıanyń Joǵarǵy soty azamattardyń týý týraly kýáliginde «úshinshi jynys» baǵany paıda bolýy kerek degen sheshim shyǵardy. Bul týraly BBC habarlaıdy. 

Osyǵan oraı, Germanıa ınterseksýaldardyń er jáne áıel jynystarynan bólek úshinshi jynysty tańdaýǵa múmkindigi týdy.

Sotqa bıologıalyq testileýden ótip, hromosomalary eki jynysqa da saı kelmeıtin qyz júgingen. Interseksýaldar quqyqtary úshin kúresýshi belsendiler sottyń mundaı sheshimin «kishkene revolúsıa» dep ataǵan.

Konstıtýsıalyq sot 2018 jyldyń aıaǵyna deıin qosymsha jynysty zańdastyrýy tıis degen sheshim qabyldady.

Qujattarda bul jynys «ınter» nemese «basqa» dep belgilenetin bolady.

Interseksýaldar – áıelge de, erge de birdeı tán belgilerge ıe adamdar. BUU málimetteri boıynsha, Jer shary turǵyndarynyń  1,7% osy topqa jatatyn adamdar.