Barsha qazaq eli úshin asa mańyzdy, tarıhı máni tereńde jatqan táýelsizdik kúnin ulyqtap jatyr. Bul aıtýly kún árbir qazaqstandyq úshin erekshe meıram. 26 jyl buryn Qazaqstan óz táýelsizdigin aldy. 26 jylda eldiń áleýmetik, ekonomıkalyq, mádenı jáne saıası ómirinde kóptegen oń ózgeristerter, ıgi bastamalar boldy, túrli salada zor jetistikterge jettik.  Dińgegi berik el quryldy.

Táýelsizdik kúni qarsańynda kóptegen merekelik is-sharalar uıymdastyryldy. Zaıyrly el atanǵaly árbir jetken jetistikti, ilgerileýdi, damýdy saraptap, baǵalaý úshin jylda bir top el aǵalary marapattalady. Elbasy Nursultan Nazarbaev táýelsizdik kúni qarsańynda Qazaqstannyń mádenı, rýhanı, áleýmettik jáne saıası ómirine, sonymen qatar ǵylym bilim salasyna eńbek sińirgen, óz septigin tıgizgen otandastyrymyzdy marapattaıdy. Bilim men elge degen sheksiz mahabbatpen qarýlanǵan qaıratkerler Qazaqstannyń damý jolynda aıanbaı ter tógý úshin jańa kúsh alady.  

Jylda bir top qazaqstandyq 16-shy jeltoqsanda qurban bolǵan jalyndaǵan jastardy eske alady. Olarǵa arnap quran baǵyshtalyp, jeltoqsan qurbandaryna arnalǵan eskertkishke gúl shoqtaryn qoıady.

Osy bir barsha qazaq eli úshin qýanyshty, bir ýaqytta yzǵarly qys mezgilinde 16-shy jeltoqsanda bolǵan jeltoqsan oqıǵasy júrekke muń uıalatady. Jylda táýelsizdik kúni qys ta qaharyna minip aýa-raıy basqa kúnderden yzǵarly bolatyn sekildi.

Ótken kúnnen belgi bar demekshi, Qazaqstan tarıhynda baqytty, qýanyshty, sol ýaqytta qaıǵyly kún retinde qalǵan 16-shy jeltoqsandy endi tek beıbit elde ulyqtaımyz degen senim bar.  

Ulttyq deńgeıde toılanatyn Táýelsizdik meıramynda qazaqstandyqtar  16,17,18,19 jeltoqsanda demalady.