YouTube jelisinde sheteldikter Qazaqstandy qazaqstannyń kórikti jerleri arqyly tanyǵan vıdeosy tarady, dep jazady Qamshy.kz aqparat agenttigi. Vıdeony qazaqstandyq rejıser Marat Sársenbaev túsirgen. 

Vıdeoda birneshe shetel azamatyna Baıqońyrdyń, Báıterektiń, Sharyn shatqalynyń, Shymbulaqtyń  sýretterin kórsetip, Qazaqstandy tanyǵan adamǵa 50 fýnt utyp alý múmkindigi berilgen. 

Sonymen qatar, vıdeoda Brıtanıada 50 fýntqa 50 bólke nan satyp alýǵa nemese jeńildikpen Kanada araldaryna 2 adamǵa joldama alýǵa bolatyny aıtylady. 

Sheteldikterdiń ishinde Sharyn shatqalyn kórip AQSH dep oılaǵandar da boldy. Al Túrkistan qalasyndaǵy Qoja Ahmed Iassaýı kesenesiniń sýretin kórip Irak, Túrikmenstan, Sırıa  dep oılaǵandar da bar. Jarkenttegi meshitti kórip, Taıland, Qytaı dep oılaǵan shetel azamattary da barshylyq. Búrkitshilerdiń sýretin kórgen sheteldikter Mońǵolıa nemese Qazaqstan dep tańdaý jasaı almaı qaldy. Al Báıterekti kórgende Kanada, Reseı degen jaýaptar aıtyla kele, shotlandıalyq sýrettegi jańa qala beınesi, bul - Qazaqstan dep jaýap berdi. Baıqońyr arqyly da Qazaqstandy tanyǵan sheteldik 50 fýntqa ıe boldy. 

Aıta ketsek, 50 fýntty teńgege aýystyrsaq, 22374.07 teńgeni quraıdy.