Ózbekstan Qyrǵyzstanda avtomobılderge qyzmet kórsetý, aýyl sharýashylyǵy tehnıkasyn qurastyrý, plasıka buıymdaryn shyǵary jáne basqa da baǵyttardaǵy toǵyz kásiporyn ashady. Bul týraly Qyrǵyzstannyń Investısıalardy qorǵaý jáne tartý jónindegi agenttik dırektorynyń orynbasary Shýmkarbek Adılbek ýýlý habarlady, dep jazady Qamshy.kz aqparat agenttigi.
Onyń málimetine qaraǵanda, jeti kompanıa qyrǵyz-ózbek birlesken kásiporyn mártebesine ıe bolady. Mysaly, ózbekstandyq Artel Engineering pen qyrǵyzstandyq «L.T.B» fırmasy Artel markaly kir jýǵysh shyǵarsa, Perfect Plast Profil (Ózbekstan) men Imzo LTD (QR) plasıka jáne alúmını buıymdaryn jasaıtyn sez salady.
Sonymen birge, ózbekstandyq «ÝzAvtoSanoat» qyrǵyzdyń «AvtoOńdooZavodymen» birge Qyrǵyzstanda aýyl sharýashylyǵy tehnıkasyn jınaıtyn eki kásiporyn ashady. Al ózbektiń «DT Tehnık» kompanıasy men qyrǵyzdyń «Avtosentr Estakada» fırmasy avtobýs qurastyrý zaýytyn ashady. «Avtosentr Estakada» jáne «Ravon Motors Tán-SHan» kompanıalary avtomobıl qurastyrý zaýytyn ashýǵa kelisti.
Buǵan qosa, Tashkenttegi Artel Engineering fırmasy Qyrǵyzstanda fılıalyn ashyp, MediaPark oıyn-saýyq ortalyǵyn salady.
Habarlarǵa qaraǵanda, bulardyń barlyǵy boıynsha memorandýmdar qabyldanǵan. Kásiporyndaryndyń jarymy qurylǵan bolsa, qalǵandary 2018 jyldyń aıaǵyna deıin ashylady. Jańa kompanıalary Bishkek, Osh jáne Qara-Balta qalalarynda jumys isteıdi.
Pikir qaldyrý