Premer-mınıstr Baqytjan Saǵyntaev Mádenıet jáne sport mınıstrligine halyqaralyq termınderdi qazaq tiline aýdarý tásilderin qaıta qarastyrýdy tapsyrdy, dep habarlaıdy Qamshy.kz aqparat agenttigi.
"Nursultan Nazarbev joldaýda qazaq tilindegi termınologıa máselesine de erekshe nazar aýdardy. Qalyptasqan halyqaralyq termınderdi aýdaryp, qazaq tilin qıyndatýdyń qajeti joq ekenin atap kórsetti. Qaıta biz latyn grafıkasyna kóshý jaǵdaıynda halyqaralyq termınderdi tilimizge yńǵaıly, utymdy paıdalaný jaǵyn qaraýymyz kerek. Osyǵan baılanysty mádenıet jáne sport mınıstrligi jalpy jurt maquldaǵan álemdegi termınderdi aýdarýdyń tásilderin qaıta qaraýy tıis", — dep tapsyrdy Saǵyntaev úkimet otyrysynda mınıstr Muhamedıulyna.Aıta ketsek, prezıdent joldaýynda halyqaralyq termınderdi qazaq tiline aýdarý tájirıbesin synaǵan bolatyn. Memleket basshysy tásilderdi qaıta qarastyryp, termınologıa turǵysynan qazaq tilin halyqaralyq deńgeıge jaqyndatýdy tapsyrdy.
