Tabanǵa bitken jaradaı.

Qaqpanmen ustap qasqyrdy,

Talatqan ıtke zaman-aı.

Mezgilsiz kelgen jańbyrdaı.

Qapyda átteń qaldyrdaı.

Máreni bermes tulpardy,

Tusaýlap qoıǵan taǵdyr-aı.

Ala aıaqtardy ańdamaı.

Qarǵa quzǵyndy tańdamaı.

Kógimde samǵar qyrandy,

Qursaýlap qoıǵan jalǵan-aı.

Satqyndar shyǵyp aradan.

Súringenińdi qalaǵan.

Kóleńkeń bolyp kórinbeı,

Abaıdy kim ol sabaǵan.

Súrinbeı ótip synaqtan.

Shyqqanda shyńnan qulatqan.

Kim boldy jalǵan bazarda,

Muqaǵalıdy jylatqan.

Tas túnek jasap jaryqty.

Sezemin ıttik tanytty.

Or qazyp kimder jyqty eken,

Balýan Sholaq alypty.

Bul jalǵan bermes tórinaı.

Tep tegis bolmas joly udaı.

Qulageri ozsa omaltqan,

Batyrashy bitpes ómir-aı.

Qaradan shyqqan handardaı.

Aǵaryp atqan tańdardaı.

Alashtyń arda ulyna,

Jaratqan óziń jar bolǵaı.

Erjan Toqtar