Úkimet otyrysynda İshki ister mınıstri Qalmuhanbet Qasymov Úkimet basshysy Baqytjan Saǵyntaevqa aýa raıynyń qolaısyzdyǵyna baılanysty 4 oblystyń joldary jabylǵanyn ári atalǵan jaǵdaıdy baqylaýda ustap otyrǵanyn aıtty.  Bul týraly Qamshy.kz aqparat agenttigi 24.kz-ke silteme berip habarlaıdy. «Aýa raıy jaǵdaıynyń kúrt buzylýyna baılanysty birqatar oblysta jel kúsheıip, boran soǵýda. Osy oraıda jol qozǵalysyna shekteý qoıylyp, jaǵdaı baqylaýǵa alyndy. Qazirgi tańda Astanada barlyq baǵyt boıynsha joldar jabylyp, barlyq kóliktiń qozǵalysyna shekteý qoıyldy», – dedi ol. Osy oraıda ol elimizde aýa raıynyń qolaısyzdyǵyna baılanysty 4 oblystyń joldary jabylǵanyn atap ótti.

«Aqmola, Qaraǵandy, Pavlodar, Qyzylorda oblystarynda joldar jabyq. Barlyq joldarda baqylaý beketteri ornatylǵan. Onda patrúldik jol polısıasy tur. Tótenshe jaǵdaılar komıtetiniń qutqarý qyzmeti óz jumysyn atqarýda. Astana men joǵaryda atalǵan oblys ortalyqtarynda ári eldi mekenderde tótenshe jaǵdaılar qyzmetkerleri joldardy qardan tazalaýǵa komýnalyq qyzmetke jáne joldaǵy kólikterge kómektesýde. Kómek qajet bolsa, qosymsha kúshter tartylady. Jaǵdaıdy baqylaýda ustap otyrmyz», – dedi Qalmuhanbet Qasymov.