Almatyda búginnen bastap jaýǵan qar 16 qańtarǵa deıin tolastamaıtyn bolady, dep habarlaıdy Qamshy.kz aqparat agenttigi Sputnik Qazaqstan-ǵa silteme berip.
"Búgin 2018 jyldyń 11 qańtarynan bastap jaýǵan qar 16 qańtarǵa deıin sozylady, tabıǵı resýrstar men tabıǵatty paıdalanýdy retteý basqarmasy avtokólik ıelerinen kósheni qardan tazalaý jumystaryna túsinistikpen qarap, jol shetinde turǵan kólikterin alyp tastaýdy suraıdy", — dep habarlaıdy ákimdik.
Avtokólik ıelerine aýa raıynyń qolaısyzdyǵyna baılanysty ýaqytsha qoǵamdyq kólikpen júre turýǵa keńes berildi.
"Jeke kólikpen júrý qajettiligi týyndasa, jyldamdyqty tómendetip, kólik aralaryndaǵy qashyqtyqty saqtaýǵa, shuǵyl burylys jasamaýǵa shaqyramyz", — delingen habarlamada.
