QR prezıdenti Nursultan Nazarbaev tamaq talǵamaıtyn, dámdi bolsa bolǵany, bárin jeı beretin. Bul týraly Elbasynyń alǵashqy bas aspazy Alekseı Syryh aıtty, dep habarlaıdy Qamshy.kz aqparat agenttigi Tengrinews.kz portalyna silteme berip.
«Ol tamaq talǵamaıtyn. Tamaqtardyń dámdi jáne ár túrli bolǵanyn jaqsy kóretin. Biraq naǵyz qazaqtar syndy pisken etti súıip jeıtin. Kókónistermen, kartoppen pisken taýyq etin jaqsy kórdi. Balyqty da jıi jeıtin. Sondaı-aq borsh tamaǵyn jaqsy kóretin. Ol meniń jasaǵan tamaqtarymdy birden biletin», - dedi bas aspaz.
Alekseı Syryhtyń aıtýynsha, kúni-túni jumysta bolatyn, sebebi kez kelgen ýaqytta ony shaqyryp qalýy múmkin edi.
«Men kúndiz jumysqa attanyp, keshke Máskeýde nemese Qazaqstannyń ózge qalalarynda júretinmin. Bári aıaq astynan sheshiletin. Pyshaqtarymmen birge shabadanymdy alyp, júre berdim. Tipti áýejaılarda ushaqtar keshigip qalǵan ýaqyttar jıi bolatyn, ondaıda bastyqqa tamaq ázirlep berý kerek. Sonda meni áýejaıdyń as bólmesine kirgizetin, al men óz jumysymdy bastap ketemin. Ózim jeke jospar qura almaıtynmyn, otbasymmen de kóp ýaqytymdy ótkize almadym. Jaǵdaı aıaq asty oryn alyp jatady. Máselen, prezıdenttiń shet elge ushatyny jaıyl habarlanyp, ol tizimde men joq bolsam, dereý otbasymdy alyp demalýǵa attanyp ketetinmin», - dedi ol.
Alekseı Syryh Nazarbaevtyń janynda Keńes úkimetinen beri jumys istegen, jalpy 27 jyl Elbasynyń bas aspazy boldy. Alǵashqy jyldary jalǵyz istegen, tek 8 jyldan keıin janyna aspazdar alýǵa ruqsat etti.
Nazarbaev qazaq taǵamdaryna úlken qurmetpen qaraǵan.
«Mańyzdy qonaqtar kelerde, qazaq taǵamdarynyń jasalýyn basty nazarǵa alatyn. Ózgelerge ózimizge tán túrli, dámdi, ulttyq asqanamyzdyń baryn bilýi tıis edi. Dastarhan tolyp turýy kerek. Bul qazaq halqynyń qonaqjaılylyǵynyń belgisi.
Bir jaǵdaı bolǵan. Meıramhanada Bıll Klıntondy kútýimiz kerek boldy. Meıramhana ıtalándyq edi. Vladımır Nı bizge daıyn bolýdy, ári ulttyq taǵamdardyń bolýyn tapsyrdy. Qonaǵymyz kelgende aldymen Kapreze salatyn jáne keptirilgen rızotto asyn usyndyq. Sonda Nursultan Nazarbaev protokol basshysyn shaqyryp alyp, ulttyq taǵamdardyń nege berilmeı jatqanyn aıtty. Sol sátte-aq men et asýǵa kirisip kettim. Keıin qýyrdaq pen mánti usyndyq. Bastyq ta, qonaǵymyz da rıza boldy. Aspazdardy shaqyryp alyp, bárimizge alǵys aıtty», - dedi Syryh.
Sondaı-aq Vladımır Pýtınmen de bolǵan jaǵdaıdy esine túsirdi.
«Pýtın kezekti ret Shymbulaqqa kelgende, biz arnaıy taǵamymyzdy usyndyq. Óz aramyzda ony «Snıkers» dep atap ketkenbiz. Ol bódene týramasy salynǵan qozy body. Pýtınge ol asymyz qatty unady, bastyq ta eńbegimizdi joǵary baǵalady. Keıin mánti usyndyq. Daıashylar birneshe ýaqyttan keıin ústel ústin jınastyrýǵa barǵanda, Pýtın áli jeıtinin aıtty. Ol mántini súıip jeıtin, taǵy salyp berýimizdi jıi ótinetin», - dedi bas aspaz.
