Brıtandyq tanysý saıttarynda bir-birin taýyp, tanysqan eki musylmandy terorıstik shabýyl uıymdastyrmaqshy boldy dep aıyptady dep habarlaıdy Qamshy.kz aqparat agenttigi BBC-ge silteme berip.
Eki terrorıst bir-birin áleýmettik jeli arqyly taýyp, tanysqan. Mýnır Muhammed biraz áıeldiń júregin jaýlaǵan kórinedi. Málimetterge sáıkes, ol birden tórt áıel alýdy qalaǵan, alaıda úsheýimen qarym-qatynasta bolǵan. Birinshi áıelin Grasıada júrgende tastap ketken, ekinshi Sýdanda turatyn áıelin ómirinde kórmegen, kezdesip úlgermegen, úshinshi brıtandyq Roveıdo al-Hassanmen de qarym-qatynastary jaqsylyqpen aıaqtalmaǵan.
Brıtandyq Roveıdo al-Hassanmen óziniń súıiktisimen birge sot zalynan bir-aq shyqqan. Mýnır Muhammed hımıalyq zattar kómegimen jarylys zattaryn jasaǵan. Daıyn taǵam daıyndaýmen aınalysatyn sýpermarkette jumys istep júrip ýdyń jasalý joldaryn zerttegen. Onyń súıiktisi Roveıda al Hassan farmasevtıkalyq bilimi bolǵandyqtan oǵan kómektesip otyrǵan.
Roveıda ekeýi Brıtanıadaǵy musylmandarǵa arnalǵan saıtta tanysqan. Osy ýaqyt aralyǵynda ol DAISH terorıstik uıymynyń yqpalyna túsken.
Sýdannyń aýqatty otbasynan shyqqan Roveıda Londonǵa bala kezden kóship kelgen. Turmysqa shyǵyp kúıeýimen farmasevttik kásippen aınalysqan. Alaıda kúıeýiniń kózine shóp salyp júrgenin bilgen kezde, eki balalaryna qaramaı ajyrasýǵa bel baılaıdy. Osydan baryp, ózine laıyqty ómirlik serik izdeı bastaıdy.
«Men ózime qarapaıym, ádil, túzý adam izdeımin. Eń bastysy - Alladan qorqatyn adam bolsa.. »,-dep jazǵan ol óziniń saıttaǵy profılinde. Mýnır Muhammed oǵan dál osyndaı adam sekildi kóringen. Olar 3 aıǵa jýyq bir-birimen chat arqyly, telefon arqyly sóılesip júrgen.
«Bizdiń aramyzda erekshe emosıanaldyq baılanys paıda boldy. Sezim paıda boldy. Onyń maǵan degen kóńili men iltıpaty unaıtyn»-deıdi qyz sotta bergen jaýabynda.
Al Mýnır Muhammed bolsa, óziniń súıiktisin ómirlik serigi retinde qabyldaýǵa daıyn emes edi. Ol óziniń Sýdanda turatyn, biraq bir-ret te kórmegen áıelimen de chat arqyly, telefon arqyly sóılesip júrgen.
