Beısenbide AQSH prezıdenti Donald Tramptyń Gaıtıdan jáne Afrıka kontınentinen kelgen ımıgranttardy synaýy Kongres músheleriniń narazylyǵyn týǵyzdy, dep jazady Qamshy.kz aqparat agenttigi sheteldik BAQ málimetine súıenip.
Aq úıde zań shyǵarýshylarmen ımıgrasıa saıasatyna qatysty kezdesý kezinde prezıdent «Boqqa batqan eldiń adamdaryn biz ne úshin qabyldaýymyz kerek?» degen.
Birqatar zań shyǵarýshy-demokrattar prezıdenttiń sózderine narazy bolyp, ony násilshil dep ataǵan. Al respýblıkashyl depýtattar prezıdenttiń sózderine kóńili qalǵanyn aıtqan. Bul jáıtti The Washington Post senimdi derekkózi arqyly birinshi betke jarıalaǵan.
Basty taqyryp jas kezinde Amerıkaǵa ata-analary alyp kelgen mıgranttardy zańdastyrý máselesi bolǵan.
Aq úıdiń baspasóz hatshysynyń orynbasary Radj Shah basylymda jarıalanǵan aqparatty teriske shyǵarmady. Ol prezıdent Tramp eń birinshi amerıkalyqtardyń múddesine jumys isteıdi degen.
