Qazaqstannyń soltústiginde sýyq antısıklon áserinen aýa temperatýrasy tómendeıdi,  dep habarlaıdy Qamshy.kz aqparat agenttigi Qazgıdromet málimetine súıenip.  

Sınoptıkterdiń aqparatynsha, respýblıkanyń soltústik aımaqtaryna qatty jel men aqtútek boran alyp kelgen sýyq atmosferalyq aǵymdar Batys Sibirdiń ońtústigine qaraı yǵysty. 

"Onyń ornyna Reseıdiń eýropalyq bóliginiń soltústik-batys aımaqtarynan sýyq antısıklon jyljyp keledi. Sonyń áserinen respýblıkanyń basym aýmaǵynda kún sýytady", — deıdi sınoptıkter. 

Al Qazaqstannyń ońtústik-shyǵys jáne shyǵys óńirlerinde aldaǵy kúnderi qar jaýady,  İle Alataýynda qalyń qar jaýady dep boljanyp otyr. Kúnniń sýytýyna qaramastan, respýblıkadaǵy aýa temperatýrasy qalypty deńgeıge jaqyn bolady.