Nú-Iorkpen (AQSH) tikeleı baılanys arqyly ótkizilgen baspasóz konferensıasynda BUU Bas hatshysynyń saıası máseleler jónindegi kómekshisi Mıroslav Encha jáne BUU qoǵamdyq aqparat departamentiniń strategıalyq komýnıkasıalar dırektorynyń mindetin atqarýshy Ianosh Tısovskıı BUU Qaýipsizdik Keńesiniń jumysy týraly baıandap berdi. Sonymen qatar, qazaqstandyq BAQ ókilderi úshin BUU qatysty onlaın-semınar ótkizdi, dep habarlaıdy dep habarlaıdy Qamshy.kz aqparat agenttigi.
Mıroslav Encha 1992 jyly Qazaqstan jahandyq halyqaralyq uıymnyń múshesi atandy. Osy 25 jyldan astam ýaqyt aralyǵynda halyqaralyq qatynas júıesinde óz ornyna nyq ornalasty degen oı bildirdi. «Qazaqstannyń byltyrǵy jyldyń qańtar aıynan bastap Qaýipsizdik Keńesiniń múshesi atanýy oǵan dálel. Ózderińiz biletindeı, Qaýipsizdik Keńes BUU basty alty organynyń biri jáne beıbit ómir men qaýipsizdik úshin jaýapty. Qaýipsizdik Keńes kúndelikti kún tártibine engen búkil álemdegi qaýipsizdik pen beıbitshilikke qatysty máselelerdi sheshedi. Bıylǵy jyldyń qańtarynan bastap Qazaqstan QK tóraǵalyǵyna kiristi. Bul óte mańyzdy rol. Óıtkeni, Qaýipsizdik Keńesiniń tóraǵasy retinde ol jıyndarǵa shaqyrýmen aınalysady, kún tirtibin belgileıdi, sondaı-aq Qaýipsizdik Keńes atynan sóz sóıleıdi. Kelesi aptada Qaýipsizdik Keńes úshin óte mańyzdy oqıǵalar bolady. Bul eń aldymen, prezıdent Nursultan Nazarbaevtyń qatysýymen ıadrolyq qarýsyzdandyrý men senim sharalaryna qatysty bolatyn QK otyrysy. Al 19 qańtar kúni, jumada Ortalyq Azıa men Aýǵanstan málelelerine qatysty jıyn ótkiziledi», - dep habarlady Mıroslav Encha.
Spıker Sırıadaǵy shıeleniske erekshe kóńil bóldi. Paıymynsha, bul máselede Qazaqstan Astana prosesin ótkizýde mańyzdy rol atqarady. «Sırıa máselesine qatysty 8 raýnd boldy jáne Astana saýalyn qarastyrýdaǵy Qazaqstannyń úlesi zor. Bul týyndaǵan shıelenisti tómendetý, deeskalasıa zonalaryn jasaqtaý. Mańyzdysy BUU Bas hatshysynyń arnaıy ókili, Stefan de Mıstýra myrzanyń jetekshiligimen Jenevada ótip jatqan bul máselege qatysty saıası prosesti qoldaıdy, - dedi BUU Bas hatshysynyń kómekshisi.
