Almaty oblysynda úsh jasar qyzdy qorlaý oqıǵasyna qatysty is qozǵaýǵa negiz bolǵan qylmystyq bap ózgertildi dep habarlaıdy Qamshy.kz aqparat agenttigi sputniknews.kz-ke silteme jasaı otyryp.

Polısıa túsindirgendeı, qyzdyń anasy Talǵar AİİB-ne 2017 jyldyń 25 jeltoqsanynda aryz bergen, soǵan sáıkes QR QK 107-baby boıynsha (Adam densaýlyǵyna qasaqana ortasha zıan keltirý) qylmystyq is qozǵalǵan. Alaıda 12 qańtarda qylmystyq bap 106-shy (Adam densaýlyǵyna qasaqana aýyr zıan keltirý) bolyp ózgertilgeni belgili boldy.

"Talǵar AİİB qyzmetkerleri oqıǵaǵa baılanysty sotqa deıingi tergeý amaldaryn júrgizip jatyr. Onyń ústine qoǵamnyń nazaryna ilingendikten, oblystyq departament te isti erekshe baqylaýyna aldy", — dep habarlady Almaty oblysy ishki ister departamenti resmı ókili Kóbeıhan Nurahmet.

Polısıa sot-medısınalyq saraptamanyń nátıjesin kútip otyr. Tergeý barysynda buryn urlyq jasap, áıeldi zorlamaq bolǵany úshin sottalǵan kúdiktige qatysty bultartpaý sharasy retinde "Mindetti túrde kelý" tańdaldy.

Eske sala keteıik, ógeı ákesi úsh jasar qyzynyń denesin tistelep, murnyn julyp alǵan. Bul týraly jýrnalıs Gúlmıra Ábiqaı óziniń Instagram paraqshasyna jazǵan bolatyn.