Qazaqstandyq ánshi, burynǵy ABK tobynyń ánshisi Erlan Kókeev Bek Air kompanıasyn sotqa bermek,dep jazady Qamshy.kz aqparat agenttigi. 

Bul jaıynda ánshi óziniń Facebook paraqshasynda jazdy.

"Búgin tańerteń Almaty qalasyna kelip qondyq. Dál osylaı (sýrettegideı red.) óz aspaptarymyzdy aldyq. 25 jyldyq gastroldik saparymnyń ishinde birinshi ret aspaptardy osyndaı qalpynda alyp turmyz. Bul jaı ǵana aspaptar emes! Baǵaly mýzykalyq aspaptar! Syrtynda «Abaılańyz, áınek» degen jazý bola tura osyndaı jaǵdaı boldy".

Sonymen qatar, ánshi aspaptardy ala salysymen kompanıa ókilderin izdegeni týraly jazdy. 

«Biz áýejaıda Bek Air kompanıasyn ókilderin talap ettik. Al ornynda birde bir Bek Air kompanıasynyń ókili bolǵan joq. Biz olardyń keńselerine barǵanda, kúzetshi búgin demalys ekenin, keńsede eshkimniń joq ekenin jáne eshqandaı kómek bere almaıtynyn aıtty» dep jazdy ánshi.

«Advokatpen aqyldasa otyryp, biz polısıa shaqyrdyq jáne áýejaıdyń qaýipsizdik qyzmetimen birge atalǵan isti sýrettermen naqtyladyq. Endi sotqa Bek Air kompanıasynyń ústinen moraldy shyǵyn keltirgeni úshin aryz túsirmekpiz",-dep jazdy Erlan Kókeev.