Qazaqstandyq Móldir Mekenbaeva Birikken Arab Ámirlikterinde brazılıalyq jıý-jıtsýdan ótken Halyqaralyq Grend Slem jarysynda altyn medaldy jeńip aldy, dep habarlaıdy Qamshy.kz aqparat agenttigi QazAqparatqa silteme jasaı otyryp. 

«Men 3 márte boz kilemge shyqtym. Birinshisin sabmıshnmen jeńdim, qalǵan eki beldesýdi upaı sanymen alyp kettim. Árıne, qıyndyqtar qaıda bolsa da bar, biraq maǵan unaıdy. Bul meniń Abý-Dabıge ekinshi ret kelýim. Birinshi ret 2016 jyly álem chempıonatyna keldim. Búgin mine, Grand Slam World Tour halyqaralyq jarysynda beldestim. 2018 jyldy men «altynmen» bastadym jáne bul meniń aldaǵy jetistikterdiń jalǵasy bolady dep úmittenemin»,-dedi «Muraǵa qalǵan mahabbat» (Lúbov po nasledstvý) jáne «Saıahatshy» (Pýteshestvennık) sıaqty fılmderdegi rólderi arqyly tanymal Mekenbaeva.

Aıta keteıik, qazir Móldir «Qazaq batyrlar» tarıhı serıalyna túsip jatyr. Ol onda basty róldi oınaıdy.