Halyqaralyq fotograftardyń taǵy biri qazaqstandyq 500 teńgeden óz sýretin tanydy. Kanadalyq Keıt Tester esimdi fotograf qazaqstandyq shýly 500 teńgeden  «óziniń» shaǵalasyn tapty, dep jazady Qamshy.kz aqparat agenttigi sputniknews.kz málimetine súıenip. 

Aıta ketsek, Ulttyq bank  500 teńgeni ótken jyly qarashada aınalymǵa shyǵarǵan bolatyn.

«Kez kelgen fotograf óziniń jumysyn (sýretin red.) birden tanıdy. Bul sýretim 2010 jyly 8 maýsymda túsirilgen. Sýretshiler saıty men Deviantart fotograftarynyń saıtyna júktelgen bolatyn.  Shaǵalany Kanadanyń Prıns Edýard graftyǵynda  Sendbenks saıabaǵynda túsirgenmin» dep jazdy fotograf Keıt Tester.

Aıta ketsek, buǵan deıin shveısarıalyq fotograf Marsel Býrkard qazaqstandyq banknottan ózi túsirgen shaǵalasyn tanyǵan habarlanǵan bolatyn. 

Kanadalyq fotograf Marsel Býrkhardyń óz sýretin tanyǵanynan habardar ekenin aıtty.

Qazaqstan Ulttyq Bankiniń syıaqysyna keler bolsaq, fotograf óziniń avtorlyǵyn moıyndaǵanyn qalaıdy, sondaı-aq sýretti ruqsatsyz paıdalanǵany úshin ótemaqy talap etpek.

«Bul meniń avtorlyq sýretim bolǵandyqtan jáne sýretim ruhsatsyz paıdalanylǵandyqtan ótemaqy tólený kerek dep oılaımyn» dep aıtyp ótti Tester.