Tanymal jýrnalıs, telejúrgizýshi, "Meniń ekinshi kitabym", "Áıel baqyty" kitaptarynyń avtory Láılá Sultanqyzy zorlyqqa ushyraǵan qazaq qyzdaryn kómek suraýdan uıalmaýǵa shyqyrdy, dep jazady Qamshy.kz aqparat agenttigi.
"1944 jyly Rısı Teılor esimdi áıel Amerıkanyń Alabama shtatynda ornalasqan Abbevıl qalasynda shirkeýden úıine qaıtyp kele jatqanda jolda 6 erkek zorlaıdy. Aıtsań óltiremiz dep qoqytady. Jigitter sol beti jazaǵa tartylǵan joq. Rısı osydan 2 apta buryn 98 jasandy kóz jumdy". Bul "Golden Globes 2018" marapattaý rásiminde belgili telejúrgizýshi Opra Ýınfrıdiń 9 mınýttyq sózinen úzindi... Meniń baıqaǵanym, Alabama shtaty bolsyn, Sozaq aýdany bolsyn áıelderdiń taǵdyry bir. Amerıkada da, Qazaqstanda da mundaı sumdyqty basynan keshirgen, keshirip jatqan áıelder qanshama. Biz úndemeımiz? Úndemeýge tyrysamyz, biraq bárimiz emes! Nege zorlyqqa jol beremiz? Nege ózimizdi qorǵamaımyz? Nege bizdi eshkim qorǵamaıdy? Nege biz názik jan emes, álsiz jan boldyq? Opra aıtpaqshy, shyndyq - bizdiń eń myqty qarýymyz. Opra jáne basqa da Gollıvýd juzdyzdary dál qazir álem boıysha ótip jatqan Time is Up (Ýaqyt aıaqtaldy) uıymyn qoldaýda. Bul uıym zorlyqqa ushyraǵan áıelderge zańdy kómek kórsetetin dúnıejúzilik uıym. Kún saıyn óz ómirinde bolǵan osyndaı jaǵdaıdy jasyrmaı aıtyp, zorlyqqa qarsy ekenin bildirip jatqan áıelderdiń sany ósýde. Múmkin biz de, qazaqtyń áıelderi, Time is Up now deýimiz kerek shyǵar?
Men de "kómek suramaıtyn" ýaqyttyń aıaqtalǵanyna senemin. Áıelderdi eshkim estimegen ýaqyt, seksýaldy harrasmentti shydaǵan ýaqyt, zorlanǵan ýaqyt, eshkimge aıta almaǵan ýaqyt. Bitti...
Taǵy da Opranyń sózi, biz bul áıelderdiń kim ekenin bilmeımiz, bilmeı ótýimiz de múmkin. Al bul meniń sózim, sizdiń esimińizdi bilmeýimiz de múmkin(ol mańyzdy emes!) biraq bastysy kómek suraýdan uıalmaýyń kerek, qazaq qyzy" dep jazdy Láılá Sultanqyzy.
