Pavlodarda jolaýshylary mingen tramvaı órtendi, - dep habarlady Qamshy.kz aqparat agenttigi pavlodarnews.kz saıtyna silteme jasaı otyryp. "Tramvaı basqarmasy" AQ baspasóz hatshysy Tımofeı Golevtiń aıtýynsha, oqys jaǵdaı tańerteń Kýtýzov pen Tolstoı kósheleriniń qıylysynda saǵat 08:12 shamasynda bolǵan.

«Búgin Depo baǵytyna qaraı júrgen №11 vagon isten shyǵyp, otqa oranǵan. Tramvaıda tótenshe jaǵdaı kezinde jolaýshylar bolǵan. Sany belgisiz. Olar der kezinde vagondy bosatty. Zardap shekkender joq. Saǵat 9:20 kezinde qozǵalys qaıta qalpyna keltirildi. Al, qyzyl jalynnyń astynda qalǵan vagondy Tramvaı basqarmasyna tirkep alyp ketti. Saraptama taǵaıyndaldy, jýyq arada órttiń sebebi anyqtalatyn bolady. Aldyn ala boljam boıynsha, elektr symdarynyń tuıyqtalýy saldarynan órt shyqqan. Bul biraq, boljam ǵana», - dedi Golev.

Al Pavlodar oblystyq TJD málimetteri boıynsha, órttiń aýmaǵy - 30 sharshy metr. Oqıǵa ornynda 16 órt sóndirýshi jumys istep, úsh tehnıka jumyldyryldy.