Almatyda 1975 jyly týǵan Z., esimdi kúdikti birneshe alaıaqtyq jasaǵany úshin qolǵa tústi. Qazirgi kezde Túrksib AİİB qylmystyq árekettiń 4 túrli jaǵdaıyn tirkedi, alaıda japa shegýshiler odan da kóp bolýy múmkin, dep jazady Qamshy.kz aqparat agenttigi. 

«Z., esimdi azamat bizdiń aımaqta aıyrbastaý núktesin ashyp, bas kezde, múmkin, ádil jumys istegen bolar. Biraq, ashkózdikten jáne tez arada baıyp ketsem degen oımen qylmystyq áreketti oılastyryp, ony iske de asyrǵan.

Úırenshikti klıentterine Z., esimdi kúdikti aqsha baǵamynyń ózgerýine baılanysty olardyń qarjysyn óz kásibine salýǵa úgittegen. Nátıjesinde olar «aqshasyn kóbeıtip, bastapqy salǵan qarjyny tolyq qaıtaryp alady» degen qyzyqtyrarlyqtaı usynysqa birneshe adam kelisken. Enjar tabys adamdarǵa aldamshy úmit bermeı qoımady.

Olar qaskúnemge qoldaǵy bar qarajatyn bergen, alaıda Z., esimdi azamattan eshqandaı habar ala almaı qalǵan. Salymshylar birigip, ony qarastyra bastaǵanda, Z., esimdi azamattyń elde bolmaı shyqqany belgili boldy. Aldanǵan azamattar qosymsha tabys túgili, dáneńe de almaǵan.

Túrksib İİB sotqa deıingi alaıaqtyq faktisi boıynsha tergeý amalyn bastap, Z., esimdi kúdiktini ustaǵan. Klıentterin san soqtyrǵan ol 1 mıllıon AQSH dollaryn jymqyrǵan. Osy adamnan aldanyp qalǵandar bolsa myna baılanys telefonyna habarlasýlaryńyzdy suraımyz: 298-54-01; 298-54-08 jáne 298-54-10», dep habarlady Túrksib İİB polısıa podpolkovnıgi Vladımır Reshetnıkov.