Almatyda kólik reformasyn jáne qoǵamdyq kólik júıesin turaqtandyrý aıasynda jyljymaly sostavty jańalaý jáne baǵyttar jelisin ulǵaıtý jumystary jalǵasýda dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasap. Osyǵan oraı, búgin Evro-5 ekologıalyq synyptaǵy tómen edendi jańa avtobýstar №124 boıynsha jolǵa shyqty.

Buryndary tasymaldaýshy tehnıkalyq jaǵdaıy tómen jyljymaly sostavtyń tórt birligin lınıaǵa jiberetin. Osynyń saldarynan Alataý aýdany turǵyndarynan kóp shaǵym túsken edi, olqylyqtyń ornyn toltyrý úshin uzyndyǵy 12 metrli kondısıonerlermen, vıdeobaqylaý kameralarymen, pandýstarmen jáne basqalarymen jabdyqtalǵan avtobýstar uıymdastyrý týraly sheshim qabyldandy.

Budan bylaı 20 kólik birligi Vodnık jáne Gornyı Gıgant eldi mekenderine qyzmet kórsetedi, ınterval 10 mınýt. Qozǵalys jıiliginiń jáne jańa avtobýstardyń arqasynda osy baǵyttaǵy jolaýshylar legi 2,5 ese artady dep kútilýde.

Eske salsaq, Almatyda №69, 131, 115, 127, 12, 22, 70, 86, 65, 103, 50, 126, 112,22, 70, 86, 65, 103, 50, 126, 112 baǵyttary boıynsha jańa avtobýstar jolǵa shyǵyp, №77 baǵyt qaıta jańaryp, №1 baǵyt pen №201 magıstraldy baǵyty ashylǵan edi. Kórshi oblystan qalaǵa qosylǵan eldi mekenderdi kólikpen tolyq qamtý úshin 10 baǵyt ashylǵan bolatyn.