«Qazaqstan Repýblıkasyndaǵy saılaý týraly» Qazaqstan Respýblıkasy Konstıtýsıalyq zańynyń 101-shi jáne 113-shi baptaryna sáıkes 2018 jylǵy 25 naýryzda shyǵyp qalǵan máslıhat depýtattarynyń ornyna saılaý ótedi, dep jazady Qamshy.kz aqparat agenttigi.

Saılaý naýqany Qazaqstan Respýblıkasynyń 68 okrýgynda ótedi.  Aqmola oblysy boıynsha 3 depýtat, Aqtóbe  – 4, Almaty - 6, Atyraý - 6, Shyǵys Qazaqstan – 2, Jambyl – 3, Batys Qazaqstan - 4, Qaraǵandy – 9, Qostanaı – 13, Qyzylorda – 4, Manǵystaý – 1, Pavlodar – 5, Soltústik Qazaqstan – 3, Ońtústik Qazaqstan oblysy – 3, Almaty qalasy boıynsha 2 depýtat saılanady. Astana qalasynda bos okrýgterdiń bolmaýyna baılanysty depýtattardy saılaý ótkizilmeıdi. 

68 depýtattyń 10-y oblystyq, 17-i qalalyq  jáne 41-i aýdandyq maslıhattarǵa saılanady.  

Depýtattardyń ókilettilikteriniń merzimnen tys toqtatylýyna kelesi sebepter negiz bolǵan: tıisti ákimshilik-aýmaqtyq birlikten basqa turaqty orynǵa ketýi;  basqa jumysqa aýysýy, jeke ótinishi, depýtattyń ólimi jáne  sottyń aıyptaý úkiminiń zańdy kúshine enýi.

2018 jylǵy 25 qańtarda Qazaqstanda shyǵyp qalǵan máslıhat depýtattarynyń ornyna kandıdattardy usyný bastaldy. Depýtattyqqa kandıdattardy usyný 2018 jylǵy 25 aqpanǵa deıin jalǵasady.

Aǵymdaǵy jyldyń 31 qańtaryndaǵy ahýalǵa sáıkes,  Almaty qalasynyń 2 saılaý okrýgy boıynsha 7 kandıdat usynylǵan.