Mesenat Marǵulan Seısembaı Qazaqstanǵa qaıta oralatyndyǵyn aıtty, dep habarlaıdy Qamshy.kz aqparat agenttigi.

"Dostar,
men Qazaqstanǵa oralyp jatyrmyn!
Men qazir Máskeýdemin. Meniń jáne meniń otbasymnyń qaýypsizdigine eń joǵary dárejede kepil berildi! Ómir jalǵasýda, biz birge áli talaı-talaı jaqsy jumystardy jasaımyz!
Meniń jaǵdaıymdy túsinip, aqyl kemengerlikti kórsetken "joǵarydaǵy" kisilerge (attaryn atamaıaq qoıaıyn) raqmet aıtqym keledi!
Maǵan barlyq kómekterin aıamaı qyzmet kórsetken barlyq adamdarǵa raqmet!
Meniń barlyq dostaryma, jazylýshylaryma beı jáı emestik úshin, qamqor men nıet úshin kópten kóp raqmet!
Qazaqstan men seni súıemin!

Qazaqstanda kóriskenshe!" - dep jazady Marǵulan Seısembaı.

Estreińizge sala ketsek, qańtar aıynda Marǵulan Seısembaı shetel asyp ketken bolatyn. Tergeý organdary mesenattyń Muhtar Ábilázovtyń qarajatyn zańdastyrýǵa qatysy bar degen aıyp taǵylǵan Eskendir Erimbetovpen seriktes bolǵany úshin jaýapqa tartpaq bolǵan.

Elimizge belgili saıasatker Aıdos Sarym Marǵulan Seısembaıdyń isine qatysty bylaı dep jazady: "Tergeý organdary kezinde Eskendirmen birge seriktes bolǵan Marǵulan Seısembaıǵa da aýyz sala bastaǵan. Osydan talaı jyldar buryn atqarǵan jumystaryn tilge tıek etip, tergeýshiler Seısembaı myrzany da jaýapqa tartpaq nıet tanytqan. Buny der kezinde sezip-túsine bilgen kásipker shetel asyp ketken".

Aıta keter bolsaq, Marǵulan Seısembaıdyń elden ketýi - dúıim jurtty dúrliktirgen bolatyn.