Germanıa bıligi Gambýrg qalasynda ornalasqan gestaponyń shtab-páterin páterge aınaldyrmaq dep habarlaıdy Qamshy.kz aqparat agenttigi The Guardian-ǵa silteme jasap. Atalmysh ǵımaratta Adolf Gıtlerdiń saıasatyna qarsy shyqqandar azaptalatyn.
Nasısterdiń kesirinen azap kórgenderdiń týystary óz qarsylyǵyn bildirip narazylyq aksıasyna shyqty.
-Tergeýge kelgenderdiń eshqaısysy ol jerden jaraqatsyz shyqpaǵan, - deıdi Detlef Baade. Onyń ákesin 1933 jyly azaptaǵan.
Basylymnyń málimetinshe, gestapo ǵımaratyn jeke kásipker satyp aldy. Ol ǵımaratta 88 pátermen qosa, 126 bólmeli qonaq úı, meıramhana, bar jáne dúken ashpaqshy.
Gestapo – Úshinshi reıhtiń qupıa memlekettik polısıasy. Ol 1933-1945 jyldar aralyǵynda jumys istedi. Gestapo fúrer Adolf Gıtlerdiń saıasatyna qarsy adamdardy qýdalaýmen aınalysatyn. Ol nasıstik Germanıanyń eń mańyzdy quraldarynyń biri boldy.
