Astanada «Kazakh Invest» Basqarma Tóraǵasy Saparbek Týıakbaev Qytaı Halyq Respýblıkasynyń Qazaqstandaǵy Elshisi Hanhýeı Chjano myrzamen kezdesti, dep jazady Qamshy.kz aqparat agenttigi.

Kezdesý barysynda taraptar «Bir beldeý, bir jol» bastamasy sheńberindegi ınvestısıalyq áriptestik suraqtaryn talqylady.

Qytaı Qazaqstannyń qabyldanǵan 2018 – 2022 jyldarǵa arnalǵan Ulttyq ınvestısıalyq strategıasyna sáıkes, ınvestısıalardy tartýǵa arnalǵan basymdyqty shet elderi tizimine kiredi. Yntymaqtastyqtyń ındýstrıaldy-ınvestısıalyq baǵdarlamasy jalpy somasy $ 27 mlrd. dollardan astam 51 jobadan turady.

Taraptar kezdesý barysynda, Qazaqstannyń Qytaı úshin Ortalyq Azıadaǵy iri saýda seriktesine jáne Eýrazıa aımaǵyndaǵy ınvestısıalar salatyn iri obektisine aınalǵanyn atap ótti. Lánúngan qytaılyq-qazaqstandyq logıstıkalyq termınaly, Qazaqstanǵa Azıa-Tynyq muhıt aımaǵyna teńizge shyǵatyn orynǵa qol jetkizýge múmkindik berdi. Qazaqstannyń temir joldary Qytaıdyń Eýrazıalyq transkontınentaldyq dálizine kirýine múmkindik beredi.

«Bir beldeý, bir jol» jańa baǵdarlamasy» Qazaqstandaǵy sheteldik ınvestorlarǵa úlken perspektıvalar usynady. Biz ınfraqurylymdyq jobalar, shıkizattyq emes sektor sheńberinde is júzindegi ózara qarym-qatynasty kúsheıtýge nıettimiz», - dep atap ótti «Kazakh Invest» basshysy Saparbek Týıakbaev.

QHR QR Elshisi Hanhýeı Chjan óz kezeginde qytaı kompanıalarynyń qazaqstan naryǵyndaǵy iskerlik belsendilikteriniń aýqymynyń keńeıýine múddeliligin kórsetti.

Qytaılyq ınvestısıalardyń negizinen, jeńil ónerkásip, jańa tehnologıalar, halyq tutynatyn taýarlary óndirisi, metalýrgıa, munaı men gazdy óńdeý, hımıa ónerkásibi, mashına qurastyrý, energetıka, aýylsharýashylyǵy ónimderin óńdeý, kólik jáne logıstıka tárizdi salalarǵa tartylatynyn aıta ketý qajet.

Jobalar negizinen eksportqa baǵdarlanǵan ónimder óndirisine baǵyttalǵan.