AQSH-tyń Arkanzas shtatynda jas otbasy qyzdaryn egeýquıryqtan qorǵamaǵany úshin abaqtyǵa jabyldy, dep jazady Qamshy.kz aqparat agenttigi sheteldik BAQ-qa silteme jasap.

Derekterde kórsetilgendeı, 2017 jyldyń kókteminde 19 jastaǵy Erıka Shrıok pen 18 jastaǵy Charlz Elıot jartylaı qırap qalǵan úıde turǵan, 14 mamyrda eki aptalyq qyzdaryn qansyrap jatqanyn kórgen. Kishkentaı sábıdi egeýquıryqtar tistep tastaǵandyǵy belgili bolǵan. Egeýquıryqtar sábıdiń mańdaıynan qatty tistep alǵandyqtan oǵan ota jasaýǵa týra kelgen.

Sábıge egeýquıryqtardyń shabýyl jasaǵany tekseris barysynda belgili bolǵan. Onyń ata-anasyn salǵyrttyq tanytyp, balalaryn mundaı qaterden qorǵaı almaǵany úshin aıyptap, qamaýǵa alynǵan. Sábıdiń denesinde júzden asa jaraqat belgileri bolǵan. Mamandardyń aıtýynsha, sábıdiń denesindegi jaraqat izderine qarap, egeýquıryqtar ony uzaq ýaqyt boıy talaǵanyn bilýge bolady. Al ata-anasy bul ýaqytta qaıda boldy, ne istedi? Sonymen qatar, sábıdiń anasy da, ákesi de esirtki paıdalanǵandary belgili boldy.

Erıka Shrıok pen Charlz Elıotty sábıdiń ómirine qaýip tóndirdi dep aıyptap, bes jylǵa bas bostandyǵynan aıyrýǵa úkim shyǵaryldy. Al sábıdi basqa otbasy asyrap alǵan.