Bul týraly oblystyq Kásipkerler palatasynyń dırektory Narıman Ábilshaıqov Óńirlik komýnıkasıalar ortalyǵynda ótken baspasóz máslıhatynda málimdedi.
Óńirlik kásipkerler palatasynyń (ÓKP) basshysy kásipkerlerdiń zańdy quqyǵy men múddesin qorǵaý Palatanyń negizgi qyzmeti bolyp tabylatynyn aıtty. Bul baǵytta ótken jyly 233 ótinish kelip túsken.
«Shaǵymdardyń 80%-i oń nátıjemen sheshildi. Mysaly «Saryózek munaı ónimderi» kompanıasyna qujattarda qate basylǵan jazý úshin 5 mln-dyq aıyppul salyna jazdady. Bizdiń qoldaýymyzdan keıin qaýly alynyp tastalyndy. Jyl qorytyndysy boıynsha Kásipkerler palatasy kásipkerlerdiń 900 mln-ǵa jýyq somadaǵy múliktik quqyǵyn qorǵady», - dedi Narıman Ábilshaıyqov.
«Bıznestiń jol kartasy-2020» memlekettik baǵdarlamasynyń bızneske servıstik qoldaý men aqparattyq qamtamasyz etý baǵyty boıynsha jumys qorytyndysy shyǵaryldy. Osy jeli boıynsha «Atameken» UKP baǵdarlama operatory bolyp tabylady. Kásipkerlikke qoldaý kórsetý ortalyqtarynda 6 437 kásipkerge 8086 servıstik qyzmet kórsetilgen. 17 884 bıznes ókiline 22 838 aqparattyq qyzmet berilgen. Somasy 5 mlrd teńgeden astam bolatyn 432 bıznes-jospar ázirlenip, onyń ishinde 68 joba 217,1 mln teńgege qarjylandyrylǵan.
«Biz memlekettik baǵdarlama aıasynda «Bıznes mektep» komponentin júzege asyramyz. Onyń aıasynda «Bıznes keńesshi», «Bıznes Ósý», ««Tálimgerlik qaǵıdalaryn qoldanatyn Jobalyq oqytý» jobalary boıynsha kásipkerlikke negizderine oqytamyz. «Bıznes keńesshi» eki kúndik oqytý jobasy aıasynda 1 393 adam bilip alyp, kásipker retinde 197 qatysýshy tirkelip, 260 jumys ornyn ashqan. 120-sy jalpy somasy 340,4 mln teńge bolatyn qarjylandyrýǵa qol jetkizgen», - dep atap ótti oblystyq Palata basshysy.
Narıman Ábilshaıyqov pılottyq rejımde 2017-2021 jyldarǵa arnalǵan Ónimdi jumyspen qamtý jáne jappaı kásipkerlikti damytý memlekettik baǵdarlamasy aıasynda júzege asyrylǵan kásipkerlikke oqytýǵa baǵyttalǵan «Bastaý Bıznes» jobasynyń nátıjelerimen tanystardy. Ótken jyly «Bastaý Bıznes» boıynsha 1312 jumyssyz jáne ózin-ózi jumyspen qamtyǵan azamattar qatysyp, 285 qatysýshy óz isin ashqan. Olardyń jobasy 1 mlrd teńgeden astam somaǵa qarjylandyryldy.
«Memleket basshysy bıylǵy Joldaýynda «Atamekenniń» bıznesti oqytý jónindegi jumysyn joǵary baǵalady. «Bastaý Bıznes» osy jyly barlyq aýdandarda, Qapshaǵaıdan basqa Taldyqorǵan jáne Tekeli qalalarynda ótkiziledi. Baǵdarlama boıynsha oqyp shyqqan azamattardy bıznes ashqan soń bir jyl boıy súıemeldeımiz, barlyq operasıalyq suraqtar boıynsha keńester beremiz», - dep qosty Narıman Ábilshaıyqov.
Ótken jyldan bastap Kásipkerler palatasy shaǵyn ındýstrıaldy aımaqtardy ashý men damytý jumysyn qolǵa aldy. Shaǵyn ındýstrıaldy aımaqtardy damytý negizi toqtap qalǵan kásiporyndar negizinde bıznes-ınkýbator ashýmen baılanysty. Qazirgi tańda birneshe kásiporyndarmen kelisimge qol jetkizilgen. Endigi tańda osy kásiporyndar ishinde kásipkerlerge jeńildikpen oryndar jalǵa beriletin bolady.
Agroónerkásiptik keshen baǵytynda Aýyl sharýashylyǵy basqarmasymen birlese ÓKP 145 aýyl sharýashylyǵy kooperatıvi quryldy. Olardyń ishinde 28-i 1,7 mlrd teńgege qarjylandyrylǵan. Kásibı biliktilikti arttyrý men aldyńǵy qatarly tehnologıalardy engizý boıynsha tájirıbemen bólisý maqsatynda 1338 sharýa qojalyqtary, kásiporyndarynyń basshylary men jumysshylary úshin 42 tegin semınar uıymdastyryldy.
«2017 jyldyń qazanynan bastap oblystyq Kásipkerler palatasynyń bastamasymen «Jumysshy mamandyqtardy Qytaıda meńgereıik» atty áleýmettik bilim berý jobasy iske asyrylyp keledi. QHR-dyń úsh kolejimen qazaqstandyq stýdentterge tegin kásiptik bilim berý boıynsha memorandýmǵa qol qoıyldy. Kelisim aıasynda Almaty, Qostanaı oblystarynan, sondaı-aq, Almaty jáne Astana qalalarynan 24 jas týrızm, İT, taý isi, munaı-hımıa, veterınarıa, dánekerleý isi, munaı jáne gazdy paıdalaný, geologıa, qarjy jáne ekonomıka, metalýrgıa, elektrotehnıka, ınjenerlik ólshemder tehnıkasy mamandyqtary boıynsha bilim alýda», - dedi Almaty oblysy Kásipkerler palatasynyń dırektory Narıman Ábilshaıyqov.
2017-2021 jyldarǵa arnalǵan Ónimdi jumyspen qamtý jáne jappaı kásipkerlikti damytý memlekettik baǵdarlamasy aıasynda kásiporyndar negizinde ashylǵan 7 oqý ortalyǵynda jumyssyzdar úshin qysqamerzimdi kásiptik oqytý júrgizilgen. Kásiptik oqytýǵa 314 azamat qatysyp, onyń 156-y jumyspen qamtyldy.
Narıman Ábilshaıqov 2018 jyly birneshe aýdanda «bir tereze» qaǵıdasy boıynsha qyzmet atqaratyn tolyqformatty Kásipkerlerge qyzmet kórsetý ortalyǵy ashylatynyn jetkizdi.
