Búgin Astanada II Qazaqstan-Grekıa bıznes-forýmy bolyp ótti, dep habarlaıdy Qamshy.kz aqparat agenttigi.
Bıznes-forýmǵa eki eldiń bıznes-sheńberinen 200-den astam ókil qatysty – sheteldik sarapshylar men ınvestorlar, QR Úkimetiniń, ulttyq kompanıalar, qarjy ınstıtýttarynyń ókilderi, qazaqstandyq jáne sheteldik bıznesmender.
Forým sheńberinde FREZYDERM S.A. (farmasevtıkalyq ónimder óndirý), «R&D kosmetıka departamenti» (FREZYDERM), VIOHALCO S.A. (Eýropada metal óńdeýshi kompanıalardyń jetekshi holdıńilik toby), Upstream (naryqta saýdany jyldamdatatyn yqsham komersıa platformasy), PHARMEX S.A. (túrli zertteýler ótkizedi jáne ınovasıalyq ónimderdi ázirleý baǵyty boıynsha jumys isteıdi), VK Premium (jeke jáne memlekettik sektorlarda konsýltasıalyq qyzmetter kórsetedi), ADELCO S.A. (iri grekıalyq farmasevtıkalyq kompanıa), METKA (EPC (Engineering-Procurement-Construction) iri kólemdi jobalar qurylysy, SABO SΑ (kirpish–jabynqysh ónerkásibi) sıaqty kompanıalarmen eki tarapty kezdesýler ótti.
Kirispe baıandamasynda Qazaqstan Respýblıkasy Investısıalar jáne damý vıse-mınıstri Arystan Qabykenov atalǵan is-sharanyń ótkizilýiniń túıindi mindetteri men maqsattary týraly aıtyp ketti.
«Elbasy Nursultan Ábishuly Nazarbaevtyń bıylǵy jylǵy joldaýynda jasalǵan tapsyrmalardy jeke atap ketkim keledi, bul jańa tehnologıalar engizýge bet burý jáne ekonomıkalyq barlyq salalaryn, birinshi kezekte mashına jasaý, munaı qaıta óńdeý, taǵam, metal ónerkásibi jáne qurylys ındýstrıasy sıaqty eńbek ónimdiligi joǵary ónerkásip sektoryn sandyq qalypqa aýystyrýǵa qatysty tapsyrmalardy atap ketkim keledi. Búgingi is-sharaǵa kelgen Grekıa kompanıalary osy basymdyqtarǵa túsip otyr»,- dep atap ketti QR IDM vıse-mınıstri.
Forým barysynda qatysýshylarǵa Qazaqstan men Greksıanyń ınvestısıalyq múmkindikteri tanystyryldy, eki jaqty yntymaqtastyq máseleleri men olardyń damý perspektıvalary talqylandy.
Sondaı-aq forým aıaqtalǵannan keıin logıstıka, týrızm, aýyl sharýashylyǵy, densaýlyq saqtaý, qurylys ındýstrıasy, IT, farmasevtıka jáne kosmetologıa sıaqty salalarda eki elderdiń kásiporyndary arasynda eki jaqty iskerlik kezdesýler ótkizildi.
Qazaqstan Grekıa úshin Ortalyq Azıadaǵy negizgi seriktesi, sondaı-aq eýrazıalyq ekonomıkalyq odaq elderimen janasý núktesi bolyp tabylatyndyǵyn atap ketken mańyzdy, sonymen birge Grekıa Qazaqstan úshin Balqan túbegindegni negizgi seriktesi bolyp tabylady.
