Eki balanyń anasy, Almaty oblysynyń turǵyny eki aptadaı buryn aýrýhanaǵa ketip, úıine qaıtyp oralmaǵan, dep habarlady Qamshy.kz aqparat agenttigi KTK arnasynyń deregine súıenip. 

23 jastaǵy Anastasıa Býkova joǵalyp ketkennen keıin bir ret baılanysqa shyqqan.  

«Ol qońyraý shalyp, «bári jaqsy, meıramhanada jumys istep jatyrmyn», — dedi. Sóılesip jatqanda Qapshaǵaıda ekenin aıtyp qaldy. Bir kezde: «boldy-boldy, ketýim kerek, qojaıyn kútip jatyr» dep telefondy sóndirip qoıdy», — deıdi kúıeýi. Kúıeýi Sergeı Býkov áıeliniń mundaı minezin buryn-sońdy baıqamaǵanyn aıtty.  

Týystary Anastasıany kúshpen ustap otyrǵanyna senimdi.  

Otbasy jas áıeldi izdeýdi aýdandyq aýrýhanadan bastaǵan. Belgili bolǵandaı, Anastasıa Býkova dárigerge barmaǵan. Týystary ol ózdiginen eshqaıda kete almaıtynyna senimdi, óıtkeni tipti qaltasynda jolǵa da aqshasy bolmaǵan.  

Joǵalǵan áıeldi izdeýge tergeýshiler men eriktiler de atsalysyp jatyr.