Keshe Astanada «Abý-Dabı Plaza» qurylys kesheniniń 400-ge jýyq jumysshysy zańsyz jumystan shyǵaryp jiberilgeni týraly málimdeme jasady. Ózderiniń aıtýynsha, olar jumystan shyǵarý týraly eshqandaı eskertý almaǵan. Atalǵan qysqartýlar jaıynda tek jumysqa kelgen kezde bir-aq bilgen.

Qurylysshylar osy shıelenisken jaǵdaıdy sheshý úshin «Nur Otan» partıasyna júgingen bolatyn.

Soǵan oraı keshe olar partıanyń Astana qalalyq fılıaly basshylyǵymen kezdesti.

Osy máselege qatysty «Nur Otan» partıasy Tóraǵasynyń Birinshi orynbasary Máýlen Áshimbaev óz pikirin bildirdi. Onyń aıtýynsha, «Nur Otan» Astana qalalyq prokýratýrasymen birlesip jumys isteýde. Búginde qalalyq prokýratýra bul sheshimniń qanshalyqty zańdy ekenin tekserý ústinde. Máseleniń mánin anyqtaý úshin Astana qalasynyń ákimdigi de tartylǵanyn atap ótken jón.

«Osy máseleni ońtaıly sheshý úshin barlyq qajetti jumystar qolǵa alyndy. Bul jaǵdaıdy «Nur Otan» partıasy óz baqylaýynda ustaıdy. Mundaı sátte sabyrlyq tanytýdyń mańyzy zor. Qalanyń quqyq qorǵaý organdary men ákimdigi de jumys isteýde. Osylaı kúsh biriktirý arqyly bul keleńsiz jaǵdaıdyń oń sheshilýine senim bildiremin», – dedi Máýlen Áshimbaev.