«Ábý-Dabı Plaza» jumystan shyǵarylǵan 62 jumysshyǵa ótemaqy tóleıtin boldy, dep habarlaıdy Qamshy.kz aqparat agenttigi. Bul týraly QR Kásipodaqtar federasıasy tóraǵasynyń orynbasary Erlan Saırov Feısbýktegi paraqshasyna jazdy.
«Qazaqstan Kásipodaqtar federasıasynyń arnaıy ókili retinde «Ábý-Dabı Plaza» kompanıasynyń menedjmentimen kezdestim. Atalǵan kompanıadaǵy otandyq jumysshylardy qorǵaýdyń ózekti máselelerin talqyladyq. Men jumysshylardyń quqyqtaryn qorǵaý bizdiń uıym jumysynyń basty elementi bolyp sanalatyndyǵyn atap óttim», - dep jazady Erlan Saırov.
Osy rette ol kezdesý qorytyndysyna egjeı-tegjeıli toqtalmastan buryn «Ádý-Dabı Plaza» kompanıasynyń eńbek qatynastary salasyndaǵy saıasatyna jalpy saramamen bólisip ótken. Onyń aıtýynsha, «Ábý-Dabı Plaza» sheteldik kompanıa retinde bizdiń elimizde jumys kúshin tartý jáne jaldaý úshin jergilikti fırmalardyń qyzmetine júginedi. Olardyń jumysshylardy jaldaýmen aınalysatyn qosalqy merdigerlerdiń qatarynda 40-tan astam otandyq uıym bar. Qosalqy merdigerler eńbek reýstaryn izdeý, jaldaý jáne oqytýmen aınalysady.
«Bizdiń klırıńtik fırmalar jumystyń belgili bir túrine arnalǵan úlgilik kelisimshartty qoldanady. Atalǵan termın resmı túrde Qazaqstannyń Eńbek kodeksine saı keledi. Degenmen, atalǵan tujyrym jumys berýshige áleýmettik ótemaqysyz eńbek qarym-qatynasyn birjaqty tártippen buzýǵa quqyq beredi. Osylaısha, «Ábý-dabı Plazany» qosalqy merdiger uıymdarynyń 62 jumysshysy jumystan shyǵarylǵan. Resmı túrde eńbek zańnamasy buzylmaǵan. Al ádildik turǵysynan alyp qaraǵanda suraq óte kóp. Bizdiń azamattarymyz qysta, qatty sýyq kúnderde kúneltýge qajetti qarajatsyz qalyp otyr. Aıta keterligi, Astana qalasy ákimdiginiń, ózge de quziretti organdardyń kelissózderi nátıjesinde kompanıa menedjmenti 62 jumysshyǵa kelisimsharttyń buzylýyna baılanysty bir aılyq ótemaqy, eńbek demalysynyń paıdalanylmaǵan kúnderi úshin ótemaqy tóleýge kelisti. Parasatty múdde jeńiske jetti jáne taraptar beıbit tarqady. Biraq, bizdegi aqparatqa sáıkes, eńbek kelisimsharttary buzylýynyń kelesi tolqyny kezekte tur. Biz munan ary da eńbek quqyqtarynyń shektelý faktilerine der ýaqytynda ún qatyp, Qazaqstan zańnamasy aıasynda azamattarymyzdyń, jumysshylardyń quqyqtaryn qorǵaıtyn bolamyz. Bul bizdiń azamattyq ustanymyz», - deıdi Erlan Saırov.
