Qyrǵyzstannyń Osh qalasynda 24 jastaǵy A. D. esimdi áıeldi ulyn urǵany úshin qamaýǵa aldy. Bul týraly Osh qalasy ishki ister departamentiniń ókili Zamır Sydykov habarlady dep jazady centralasian.org.
Onyń aıtýynsha, áıel 4 aqpanda aýyr jaraqattanǵan balasyn Osh oblystyq aýrýhanasyna alyp kelgen. Ol úsh jasqa tolmaǵan bala baspaldaqtan qulap ketti degen. Balany tekserý kezinde denesi kógergeni, ishki organdary zaqymdanǵany, mıyna qan quıylǵany anyqtaldy.
Tergeý barysynda balany anasy urǵany belgili boldy. Áıel qylmysyn moıyndaǵan.
"Buzaqylyq" baby boıynsha qylmystyq is qozǵaldy. Kúdikti ýaqytsha tergeý abaqtysynda otyr. Sot ony qamaýda ustaý máselesin qaraıdy.
