Atyraý oblysynyń UQK departamentiniń qyzmetkerleri halyqaralyq jáne qalaaralyq jolaýshy tasymalyn júrgizetin adamdardan zańsyz jolmen aqsha alýmen aınalysqan topty ustady. Bul týraly newtimes.kz-ke silteme berip Qamshy.kz aqparat agenttigi habarlaıdy.
Top múshelerin 31 qańtarda ustaǵan. UQK-niń málimetinshe, olar para alýmen eki jyl boıy aınalysqan. Árbir júrgizýshiden 5-25 myń teńge kóleminde para alǵan. Sonymen birge ustalǵandar dástúrli emes dinı aǵym «sáláfızmdi» ustanǵandyǵy anyqtaldy. Toptyń alty múshesine qatysty «qamaýǵa alý» sharasy qoldanyldy.
