Baqtıar Artaev "Astana Arlans" boks klýbynyń bas menedjeri bolyp taǵaıyndaldy, dep habarlady Qamshy.kz aqparat agenttigi klýbtyń baspasóz qyzmetine silteme jasaı otyryp.   

Baqtıar Artaev  1983 jyldyń 14 naýryzynda Jambyl qalasynda týǵan. 

2004 jyly bokstan Olımpıada chempıony, Vel Barker Kýboginiń ıegeri, Álem chempıonatynyń eki dúrkin qola júldegeri (2005, 2007). Azıa Oıyndarynyń kúmis júldegeri, 7 dúrkin Qazaqstan chempıony, Halyqaralyq dárejedegi eńbek sińirgen sport sheberi.

Baqtıar Ǵarıfollauly Artaev  M.Q.Dýlatı atyndaǵy Taraz memlekettik ýnıversıtetinde jáne Qazaq sport jáne týrızm akademıasynda bilim aldy. 2014 — 2016 jyldary Ulybrıtanıada bıznes menedjment kýrstaryn támamdaǵan. Qazirgi tańda Qaraǵandy Ekonomıkalyq ýnıversıtetinde, ekonomıka salasy boıynsha jergilikti basqarý mamandyǵynyń magıstratýrasyn oqyp jatyr.

2008 jyly B.Artaev atyndaǵy boks saraıynyń dırektory bolyp taǵaıyndaldy. 2008-2009 jyly Jambyl oblysy Jambyl aýdany Aıshabıbi aýyldyq okrýginiń ákimi boldy. 2009-2010 jyldary Jambyl oblysy týrızm, dene shynyqtyrý jáne sport basqarmasynyń bastyǵy qyzmetine taǵaıyndaldy. 

2011 jyly Jambyl oblysy ákimi apparaty basshysynyń orynbasary boldy.  2012 jyly 24 jeltoqsanda "Astana" prezıdenttik kásibı sport klýbynyń prezıdenti bolyp taǵaıyndaldy. 2013 jyldyń qarasha aıynan Dúnıejúzilik boks serıasy komısıasynyń múshesi qyzmetin atqardy.

2016 jyly jeltoqsan aıynda "Tarlan batyrlary" JSHS  dırektory bolyp taǵaıyndaldy.

Baqtıar Ǵarıfollauly Artaev 1-shi dárejeli "Barys" ordenimen marapattalǵan, "Daryn" syılyǵynyń ıegeri, Grekıa respýblıkasynyń qurmetti azamaty, Taraz qalasynyń qurmetti azamaty.

Aıta keteıik, 2010 jyly "Astana Arlans" klýbynyń birinshi bas dırektory Bolat Mankenov bolǵan, odan keıin ol orynǵa Olımpıada chempıony Serik Sápıev taǵaıyndaldy.