Bul týraly «Atameken» QR UKP Basqarma Tóraǵasy Abylaı Myrzahmetov QR Úkimetiniń otyrysynda habarlady, dep jazady Qamshy.kz aqparat agenttigi.

«Sıfrlandyrý aıasynda 1 sáýirge deıin Kásipkerlerge qyzmet kórsetý ortalyqtary men Kásipkerlikti qoldaý ortalyqtarynyń formatyn tutastaı ózgertý úshin usynys daıyndaımyz. Onlaın-baılanysqa ótýge basymdyq beremiz. Bıyl prosesterdi aıaqtap, kelesi jyldan bastap ótemiz dep oılaımyn», – dep habarlady Abylaı Myrzahmetov.

Byltyr «Bıznestiń jol kartasy – 2020» baǵdarlamasy aıasynda «Atameken» QR UKP atynan 51 myńnan asa kásipker servıstik qyzmet aldy, 113 myń adamǵa konsýltasıalyq qoldaý kórsetildi, 22 myńnan asa azamat bıznes negizderinen bilim aldy. Barlyq kórsetkish 105%-dan 170%-ǵa deıin oryndaldy.

«İskerlik baılanys» – qoldaý sharalarynyń keń taralaǵan túri. 555 adam oqydy, 43 adam Germanıada taǵylymnamadan ótti. Mundaǵy kórsetkish te asyra oryndaldy. Biz barlyq jobany súıemeldeımiz. Servıstik qyzmet alǵan kásipkerlerdiń 3403-i jańa kásiporyn ashty, 1,5 myńnan astamy ruqsat qujattaryn aldy, al 4625 kásiporynnyń jobalary súıemeldendi. «Bıznes Mektep» boıynsha: 22 myń qatysýshydan 2708-i bıznes ashty. 2 myńnan astamy jumys istep turǵan bıznesin servıstik qoldaý arqyly keńeıtti», – dep atap ótti Abylaı Myrzahmetov.

«Atamekenniń» málimetinshe, bıznes úshin eń tanymaly býhgalterlik, salyq jáne zań salasyndaǵy servıstik qyzmetter. Jalpy, kásipkerlerdiń suranysyna qaraı tizim ulǵaıa beredi.

Eske salsaq, «Atameken» QR UKP – «Bıznestiń jol kartasy –2020» biryńǵaı qoldaý baǵdarlamasy aıasynda kásipkerlerge qarjylaı emes qoldaý kórsetý operatory. Servıstik qoldaý respýblıka boıynsha Kásipkerlerge qyzmet kórsetý ortalyqtary men Kásipkerlikti qoldaý ortalyqtarynda kórsetiledi. Ol tıimdilikti arttyrý maqsatynda kásiporyndardy basqarý júıesin jetildirýge baǵyttalǵan jáne shaǵyn jáne orta bıznes sýbektilerine arnaıy qyzmet pen keńes berýden turady.