BBC jýrnalısi Qytaıdyń uıǵyrlar turatyn Sınszán uıǵyr avtonomıaly aýdanyna baryp, ondaǵy jaǵdaımen tanysqan. BBC jýrnalıseri túsirgen vıdeodan kóshede baqylaýdyń kúshti ekenin baıqaýǵa bolady. Kóshede avtomat asynǵan polıseıler kóp júredi. Ǵımarattyń barlyǵynda derlik adamdardy qatań tekserýden ótkizip kirgizedi. 

Qytaıdyń Sınszán aýdanynyń turǵyndarynyń biri jýrnalıske ondaǵy ómiri jaqsy ekenin aıtady. Halyqpen suhbattasqysy kelgen jýrnalısi kórgen polıseıler birden túsirilim tobyn qorshaýǵa alyp, qujattaryn tekserip, turǵyndarmen sóılesýge mursha bermedi. 

Ábdýrahman Hasan Qytaı polısıasynyń qýdalaýynan keıin Túrkıaǵa qashyp kelgen. Anasy, áıeli men balalaryn ustap áketken. Ábdýrahman Hasan "bizdiń bar kinámiz uıǵyr bolǵanymyz" deıdi. Ol otbasy tiri ne óli ekenin bilmeıdi. 

Qytaı bıligi musylmandar kóp shoǵyrlaǵan aýdandy qatań baqylaýda ustaý arqyly terorızmniń aldyn alamyz degendi aıtady.