Tanymal adamdardyń jeke ómiri halyq nazarynan tys qalmaıdy. Qansha jasyramyn dep talpynsa da, kópshiliktiń kóz aldynda júrgen soń shyndyqtyń beti ashylatyny belgili. Biraq bizdiń aıtpaǵymyz bul emes. Elimizde jalǵyzbasty analardyń sany kúnnen-kúnge kóbeıip keledi. Qoǵamdaǵy jalpy ahýal shoý-bıznes ókilderine de tán. Shyǵarmashylyqpen aınalysyp, balalaryn baǵyp-qaǵyp, eki jaqqa birdeı úlgeretin analar kimder? Olardyń tizimin Qamshy.kz aqparat agenttigi oqyrman nazaryna usynady.
Móldir Áýelbekova
«Kesh You» arqyly tanylǵan Móldir Áýelbekova 2015 jyly Arystan esimdi jigitke turmysqa shyǵyp, bir uldyń anasy atandy. Biraq kóp uzamaı olardyń ajyrasyp ketkeni týraly sybys tarady. Móldir óziniń ınstagram paraqshasyndaǵy kúıeýiniń sýretterin óshirip tastaǵan jáne ulynyń ákesi Astanada tursa da, ózi Almatyǵa qaıtyp kelgen. Sol sebepti ony jalǵyzbasty analar tizimine qostyq.
Aqbota Seıtmaǵambet
Baıan Alagózovanyń taǵy bir shákirti Aqbota Seıtmaǵambet akter Dáýren Aıdarqulovqa ul taýyp bergen bolatyn. Olar alǵashynda ózderiniń qarym-qatynasyn halyqtan jasyrýǵa tyrysty. Alaıda áleýmettik jeli arqyly bári de áshkerelendi. Olar sharıǵat jolymen nekelerin qıdyrǵan edi. Qazir Aqbota ben Dáýren ajyrasqandaryn málimdedi. Aqbota Seıtmaǵambet sońǵy ýaqytta shyǵarmashylyǵyna kóbirek kóńil bólip júr.
Janna Abýova
Otandyq prodúser Janna Abýovanyń Imanáli esimdi uly bar. Ol da jalǵyzbasty analardyń qatarynda. Ol elimizdegi tanymal ánshige ul týyp bergenin «Uıat emes» baǵdarlamasynda aıtty. Halyqtyń súıikti ánshisi men Janna Abýova meshitte neke qıdyrǵan. Keıin Janna balany dúnıege ákelgen soń olardyń ara qatynasy úzilgen. Alaıda onyń uly ákesiniń kim ekenin bilmeıdi, aralaspaıdy.
Erke Esmahan
Ánderi únemi reıtıń jınaıtyn qazaqtyń erke ánshisi Erke Esmahan da ázirge jalǵyzbasty ana esebinde. Birneshe jyl buryn Erke Esmahan men tanymal jýrnalıs Asqat Sadyrbaı otaý qurǵan edi. Alaıda araǵa az ýaqyt salyp ekeýi ajyrasqandaryn moıyndady. Qazir Erke Esmahannyń bir uly bar. Tanymal ánshiniń jigiti týraly túrli qaýeset aıtylady. Sońǵy kezderi áleýmettik jelide Erke Esmahan akter Álı Baıjumatpen birge túsken sýretterin jıi jarıalaıdy. Kópshiliktiń pikirinshe, olar kóńil jarastyryp júrgenge uqsaıdy.
Altynaı Jorabaeva
Tanymal ánshi, QR Eńbek sińirgen qaıratkeri Altynaı Jorabaeva tórt qyz tárbıelep otyr. Ol birneshe jyl buryn Sábıt Ábdihalyqovpen nekede turǵan. Keıin Altynaı Jorabaeva óziniń Sábıtpen ajyrasqanyn áleýmettik jelidegi paraqshasyna jarıalady.
Roza Rymbaeva
Qazaqstannyń halyq ártisi Roza Rymbaevanyń Álı Oqapov jáne Mádı Rymbaev esimdi eki uly bar. Kúıeýi Tasqyn Oqapov 1999 jyly qaıtys bolǵan. Qazir Álı men Mádı áke-sheshesiniń jolyn qýyp, shyǵarmashylyqpen aınalysyp júr.
Aıgúl Imanbaeva
Tanymal aktrısa Aıgúl Imanbaevanyń Asyljan Ábdimútalıev atty uly bar. Onyń burynǵy kúıeýi – Sábıt Ábdihalyqov. Aıgúl Imanbaeva ulyna eseıgenge deıin ákesi týraly tis jarmaǵan. Erjetken kezde ǵana oǵan ákesiniń kim ekenin aıtyp bergen. Qazir tanymal aktrısanyń «Ai-studio» atty jekemenshik mektebi bar.
Tamara Asar
Halyqtyń súıiktisi Tamara Asar da – jalǵyz uldyń anasy. Onyń burynǵy jubaıynyń esimi Samat Oraq, ulynyń esimi Qambar.
Aıgúl Múkeı
Tanymal telejúrgizýshi Aıgúl Múkeıdiń Asanáli esimdi jalǵyz uly bar. Biraz ýaqyt densaýlyǵyna baılanysty bala kótere almaǵan Aıgúl Múkeı jalǵyz ulyn jasandy uryqtandyrý arqyly dúnıege ákelgenin moıyndady. Sonymen birge ulynyń ákesi baryn, bolashaqta otbasyn qurýy múmkin ekenin de aıtyp ótti.
