17 jasynda aýyr dertke shaldyqqan Dıana Shvabaýer esimdi áıeldiń shynaıy oqıǵasyn Qamshy.kz aqparat agenttigi Woman.ru-ǵa silteme berip  jazady.

Men ózimniń aýrýǵa shaldyqqanymdy 17 jasymda bildim. Ol ýaqytta 11-synypta oqyp júrgenmin. Shańǵy sportymen aınalysyp, úlken jetistikterge jettim. Bir joly qurbym qolymdaǵy kógergen izderdi baıqady. Men olardyń qaıdan paıda bolǵanyn áý basta bilgen joqpyn, keıinnen denemde kógergen izder qaptap ketti. Qatty alańdadym, sebebi men ózimdi qandaı da bir aýrýǵa shaldyǵam dep oılaǵan joqpyn. Aýrahanaǵa baryp qaralǵanda, saraptama nátıjelerim óte nashar boldy.  Dárigerler muny onkologıa dep boljady.

   Nágan qalasyndaǵy aýrýhanada júregim toqtap qaldy. Dárigerler de ne bolǵanyn túsingen joq. Maǵan donordyń qany kerek boldy. Sebebi meniń qanymdaǵy  erıtrosıtter mólsheri óte az edi. Máskeýge jiberilgen saraptama nátıjesinde meniń  qaýipti dertke shaldyqqanym anyqtaldy. Bul onkologıa emes edi, alaıda soǵan óte uqsas "aplastıalyq anemıanyń" aýyr túri eken.

Mamandar maǵan "súıek kemigimdi" (kostnyı mozg) aýystyrý kerek ekenin aıtty. Ota jasalǵanǵa deıin tek eki aı ǵana ómirim qalǵanyn aıtqanda, sengen joqpyn.  Telefonymdy óshirip, áleýmettik jelilerden shyǵyp, dostarymmen de aralaspaı, jigitimmen de aıyrylysyp kettim. «Bári jaqsy bolady» dep aıtqan adamdarǵa jynym keletin. Eshteńe estigim kelgen joq. Óz qaıǵymdy ózim kóterdim.

Otbasymnyń emdelýge jumsaıtyn qarajaty bolǵan joq, sol sebepti kóptegen qorlardyń kómegimen emimdi tólep beretin demeýshi tabyldy. Ol meni Izraıldegi aýrýhanaǵa jiberdi.

Izraılde bolǵanda da ózimdi nashar sezindim: álsizdikti sezinip júrdim,  denemniń barlyq bóligine, tipti aýyz qýysyma deıin kógergen izder shyǵa bastady. Ár tórt saǵat saıyn murnynmnan qan toqtamaı aǵatyn. 

Tórt aıdan keıin donordyń tabylǵanyn habarlady. Operasıany bastaý úshin hımıaterapıa júrgizý kerek boldy. Alaıda, ol úshin eń birinshi meniń ımýndyq júıemdi bylaısha aıtqanda «óltirý» kerek edi. Dárigerler hımıaterapıanyń  aldynda analyq jasýshalaryma ota jasalý kerek ekenin aıtty. Bul meniń bolashaqta balaly bolýyma qandaı da bir qıyndyqtar týmaý úshin jasalatyn shara edi. Alaıda, ekpeler salý kezindi óreskel qate ketip, ota sátsiz jasaldy. Dárigerler endi eshqasshan balaly bola almaıtynymdy aıtty. Ózimniń eshqashan ana baqytyn sezine almaıtynymdy bilgen kezde qatty qaıǵyryp, jyladym..

Úlken dozadaǵy hımıaterapıany adamnyń aǵzasy donorlyq jańa múshege qarsylyq tanytpas úshin jasaıdy. 18 jasta bolsam da, meniń aǵzam men múshelerim 80 jastaǵy adamdikindeı qartaıyp ketken edi.

«Hımıa» bitkennen keıin eki saǵat ishinde Germanıadan kelgen donordyń «súıek kemigin» alyp  ota jasaý kerek boldy. Dárigerler qanymdy tazartyp, qaıta quıdy. Operasıa kezinde qysymym kóterilip 240-qa  deıin jetti. Kózim kórmeı, sóıleı almaı, tipti qımyldaı almaı qaldym.

Men úshin eń qıyny- ókpemniń isip ketýi boldy. Ókpem 97 paıyz qanǵa tolyp ketti. Otyrsam da, tursam da aýzyman qan quıylatyn dárejege jetti. Tynysym tarylyp, barǵan saıyn demalysym qysqara berdi. Sol túni segiz dáriger qasyma kelip meniń óletin ýaqytymdy belgileý úshin kelip kútip júrdi. Olar meniń anama: «Týystaryńyzǵa habarlasyp, qoshtasa berińiz»-, dedi. Anama meni jiberýin, menimen qoshtasýyn ótindim.

İshimnen "Men nebári 18-demin. Ólgim kelmeıdi" dep oıladym, Qudaıǵa duǵa ettim. Qasymdaǵy dáriger ottek maskasyn aýzyma salyp, jylap turyp: «Tynys al!» dep aıqaılap jiberdi. Onyń kóz jasy betime tógilip jatyp, uıyqtap ketippin.

Ertesinde mamandar ókpemniń  tazarǵanyn, azdap tamaq ishe bastadym. Alaıda budan keıingi ómirim de ońaı bolǵan joq. Aıaq-qolym júrmeı, tósekte jata beretinmin. Óz kúshimmen tamaqtana da, tisimdi de jýa almaıtynmyn. Kishkene sábı sıaqty júrýdi, qadam basýdy jańadan úırendim.

Meniń ómirimdi  perishteler saqtap qaldy dep oılaımyn. Barlyǵy tórt ret «ólip-tirildim». Qazir jaǵdaıym jaman emes. Menińshe Qudaı maǵan synaq jiberdi. Bul jaǵdaıǵa deıin men tym ózimshil, óz-ózime senimdi, tákkáppar qyz bolatynmyn. Kórikti, aqyldy, sporttyń da úzdigi edim. Osy tákkaparlyǵym úshin jazalandym.

Shynymdy aıtsam, ózimdi óz jasymnan 20 jasqa úlken sezinemin. Osynyń barlyǵy bir ózimniń basymnan ótkenine sený qıyn. Anam qalaı qınalǵanyn bilseńizder ǵoı...